張景淳孖羅天宇北上擺檔賣魚蛋投資6位數決心做連鎖店親自落場生意好到供不應求

By Fennie on 05 May 2023

Digital Editor

張景淳憑TVB處境劇《愛·回家之開心速遞》的「龔燁」一角入屋，雖然早前被傳經常遲到而被高層曾勵珍（珍姐）雪藏，但其後被獲解凍，不過曝光率已大不如前，於是他便決定出來闖。近日張景淳同好兄弟羅天宇及李興華投資6位數，在內地搞港式小食品牌，榮升做老闆，而且他更在拍完戲後直奔深圳親自落場，果然老細唔易做！

Photo from weibo

Photo from 影片截圖

為了生意中港兩邊跑

近日張景淳同好兄弟羅天宇及劇中飾演「Keyboard」一角的李興華，投資六位數發展飲食業，他們在深圳不同的市集擺檔，希望將雞蛋仔文化推廣給內地朋友。而張景淳更一腳踢包辦佈置檔口、寫餐牌等雜務，更為了生意中港兩邊跑，經常夜晚一收廠就直奔深圳，親自落手落腳整雞蛋仔、炮製魚蛋等港式小食，翌日再返港開廠；羅天宇亦有撐場做「羅小二」，成功吸引不少粉絲幫襯。

Photo from 影片截圖

Photo from weibo

希望推廣雞蛋仔文化

對於張景淳是否為了準備轉行鋪路，他在接受受傳媒訪問時坦言，早在加入TVB時品嚐過李興華爸爸的手藝，當時已經好想跟對方學師，而且當時他們已約定若有一日搞副業，就一定要搞飲食，希望將港式小食推銷畀內地市民。

Photo from weibo

直到近年李興華與家人移居內地，並在深圳光明區經營家庭式小食店，張景淳再次品嚐過對方手藝之後便決定要開鋪，於是三人合力經營，以港式小食為頭炮：「我哋有一間實體店，近年內地好流行營地店，我哋覺得呢個方式非常適合發展香港小食，而且又易管理同打入市場，而家除咗光明區本店之外，福田有兩家分店，我哋計劃係做到連鎖式經營。」

Photo from weibo

堅持親自落場

張景淳在《愛‧回家》飾演「龔燁」一角大受歡迎，吸引不少「龔水黨」粉絲幫襯撑偶像。雖然檔口有員工，但張景淳就鍾意自己落手落腳去做，堅持每晚一收廠就直奔深圳，而且見到食客食完覺得好味再次幫襯好有滿足感：「唔可以話我落鋪做生招牌會好生意啲，應該係話只要老闆親自落場都會有好生意，不過最開心係好多人真係食完覺得好味再返嚟幫襯。」