網友：只想當一坨會呼吸的肉！懶癌末期患者8大症狀，全中代表了你已病入膏肓～

雖然話懶惰係人類天性，不過有時候身邊總有一個朋友懶到「出汁」，程度嚴重到令人無法置信，甚至有自稱已患上「懶癌末期」嘅網友大呼：「我只想當一坨會呼吸的肉！」，想知自己係咪已經懶癌上身，睇吓以下呢8個症狀你中咗幾多個啦！

#1 房入面一定有座「衣服山」，衣服能不摺就不摺

每一個懶癌末期患者嘅房間入面就算有衣櫃，都會有一座堆積已久嘅「衣服山」，平時返到屋企換完衫就會繼續堆上去，想搵衫都會喺座山到搵，仲有衫可以唔摺就唔摺，務求著衫除衫時順手夠快就得。

#2 成日戴帽，因為不想洗頭

佢地只要唔使出街就唔會洗頭，平日懶癌發作時就連返工都會隔幾日先洗頭，呢段期間會見到佢地會成日戴住帽出現。

#3 有電梯絕對不會行樓梯

只要有電梯就絕對唔會行樓梯，就算去1樓都會堅持要搭?，就算架?要等好耐都會等落去，嚴格實行「No lift no life」呢個原則。

#4 忍尿忍到最後一刻，先會起身去廁所

平時放工返到屋企、放假都會攤全日，急尿唔會即刻去廁所，要忍到真係頂唔順先會起身去廁所，去完會秒速衝返張床到繼續攤～

#5 手機無電到關機才會去充電

一日個電話仲未熄機，佢地都唔會拎去叉電，就算電量只係淨返1%，佢地都會堅持碌電話碌到完全熄機為止，同忍尿一樣，可以遲一秒起身就遲一秒！

#6 全日緊黏自己張床和沙發

只會喺有逼切需要下先會出街，唔使出街就會全日癡實張床同沙發，除咗真係要去廁所外，對於懶癌末期患者嚟講，再豪華嘅別墅同豪宅，都比唔上自己個「舒適小狗窩」。

#7 吃東西方便易吃最重要

生果最鐘意食香蕉因為唔使洗，薯片會用筷子食因為唔使洗手、食公仔麵只會食杯麵因為唔使洗碗、無咗外賣會生存唔到、會將零食同嘢飲放滿床邊方便一伸手就拎到等等⋯⋯只要過程複雜少少，就會放棄想食嗰樣嘢嘅念頭。

#8 會想盡辦法用最少的力、做最少的事

懶人最有小聰明，因為佢地會不惜一切、絞盡腦汁地諗辦法，令自己可以用最少嘅力、行最少嘅路、做最少嘅事，所有多餘嘅嘢都會被狠心拋棄，「簡單粗暴直接」就係佢地嘅行事風格。

Text：TopBeauty Editorial

Photo source：Pinterest