姜濤承認叱咤事件飽受負評曾主動要求入「雪櫃」停工一年！後決定振作接受不同聲音

By Fennie on 01 Jun 2023

Digital Editor

MIRROR人氣王姜濤近日推出第11首新歌《DUMMY》，昨日（5月31日）他到商台宣傳新歌時首度剖白今年初腳傷初癒在《叱咤頒獎禮》又跪又跑落台演出惹負評事件，他承認當時演出後自己也覺得不妥，但沒想到隨之而來是海量式報道，認為是自己出道5年來最低沉時期，打算停工一年「靜思己過」，更極端到叫公司雪藏他！

Photo from 電台截圖

Photo from fb@姜濤

承認情緒一度低落

去年11月姜濤在籃球賽觸及膝蓋舊患，要做手術及休養，至今年元旦重踏舞台出席《叱咤頒獎禮》，當時他身形暴脹，以及又跪又跑落台演出遭網民洗版嘲笑，他承認情緒一度低落：「話冇影響就一定係假。通常一落台就睇番演出，嗰陣已覺得有啲唔對路，冇諗過之後報道係海量，算係呢5年嚟比較Deep（沉重）嘅一段時間。」

Photo from 電視截圖

主動叫公司雪藏自己

叱咤事件發生後，姜濤一度閉關兼絕迹社交網，更計劃一年不出歌，想讓自己安靜一年，更叫公司雪藏他：「前嗰幾年，無論係MIRROR或者個人都衝得太快，太多嘢太快得到，好易迷失。」姜濤的這個決定並沒有同MIRROR其他成員講：「我哋相處咗好耐，兄弟同兄弟之間唔需要多講啲乜嘢，大家見到我都冇提嗰件事，都係照平時咁樣，我都扮冇事咁同佢哋相處。」

Photo from fb@姜濤

姜濤自爆不夠膽睇《叱咤》當晚表演片段，在休息期間經常跑山減肥，及睇心靈雞湯自我療愈。解開心結後，他終於鼓起勇氣逼自己翻看：「屋企個電視好大，我企得好近睇，想搞清楚發生乜嘢事，唔可以逃避」。又笑：「捱過咗嗰3分鐘，同大家一樣，我都好難捱，真係好難捱！」

Photo from fb@姜濤

不後悔演出

姜濤表示不後悔那次演出，他認為表演者都想表達自己當下最珍惜的情緒，令觀眾有共鳴：「當刻我想表達受傷之前嗰種憤怒，嗰種想證明自己無事嘅急切心態，係真實嘅我，但的確用咗唔成熟、脫離表演方式去做。」

Photo from fb@姜濤

談到4月初重踏舞台，姜濤透露早在二三月時已收到經理人花姐的信息，稱會有個人演唱會及西九音樂節，他當時正在山上跑步，有考慮過要不要拒絕，但後來決定不再逃避，認為在哪裡跌低，就從哪裏爬起身，並選擇再唱《鏡中鏡》：「我唔想逃避呢隻歌，就算大家笑都好，呢首歌係我生出嚟嘅，我唔應該因為呢件事而丟低呢首歌。」

Photo from 《DUMMY》MV截圖

推出提醒自己的作品

談及「自嘲式」新歌《Dummy》，姜濤表示這首歌是「插班生」，原本打算推出一首較輕快的歌曲，但自叱咤事件後，他本來想沉澱一年，但聽到demo時就有個新想法，覺得要即時推出一首能夠道出心聲及提醒自己的作品，無論鬧或讚，都勇於去接受：「有人鬧、有人話，都好過冇人留意，而且自己仲有好多進步空間。」並透露花了3、4個月時間籌備，更在前學校中文老師監督下改善咬字。又預告MIRROR將推出新團歌。

Photo from 《DUMMY》MV截圖

Text：TopBeauty Editorial

姜濤買樓！23歲以1,800萬買海景兩房曾表明30歲前買樓吸金力強勁提早7年上車

42歲張彥博升呢做老闆！北上開日式餐廳最想招待TVB高層設有小舞台隨時獻唱

RubberBand鼓手泥鯭出Post寸姜濤掀爭議黃心穎無辜被捲入罵戰風波

09 May 2023

ViuTV《CHILL CLUB頒獎典禮2023》早前落幕，但花生指數卻直線上升，除了網民力數場內運鏡、收音存在問題外，當晚MIRROR成員姜濤上台領「CHILL CLUB年度男歌手獎」銀獎向隊友致謝的舉動，令大眾議論紛紛外，RubberBand成員泥鯭更發文嘲諷「修哥都講唔出啦」惹來雙方粉絲留言，就連女友黃心穎都被拉入罵戰中！

Photo from ViuTV

姜濤致謝MIRROR 11位成員

MIRROR三子Anson Lo盧瀚霆、姜濤及Ian陳卓賢分別囊括「年度男歌手」金、銀、銅獎，而姜濤上台領獎時花近6分鐘逐一向11位隊友致謝，而當晚RubberBand獲《CHILL CLUB頒獎典禮2023》的樂觀隊銀獎，成員未有出席，由主音6號拍片道謝，表示多做音樂少做無謂嘢！

Photo from FB：MW Lai

泥鯭連環出Post被指修哥都講唔出啦

對於隊友的得獎感言，泥鯭就在FB出po撐隊友：「唱好啲歌先做啲小動作啦，＃全晚最啱聽嘅評語」其後再連環出Post「多謝說話定係「鼓勵」說話？！WTX？！係咪short X咗？！修哥都講唔出啦」，「嘩，頒唔尷尬，攞唔尷尬，唯有睇嘅尷尬」、「又一個大台誕生」、「依家諗返當年亞太區最受歡迎男歌手真係’”實至名歸”」、「下屆叱咜司儀會點玩呢段感言？」、狠批「又一個大台誕生」、「歌迷會夾份請個寫手同看護畀佢啦」、「建議先做言語治療」，泥鯭再抵死留言：「我想喺度嘥大家小小時間，我要借呢個機會去多謝我隊友」。