別因為爭執令愛情白白消磨!心理學家:避開關係衝突中3個地雷,即使爭吵也能不傷真感情~
天下間有邊對情侶會無鬧過交~其實鬧交並唔係一件壞事,因為真正破壞感情嘅並唔係衝突,而係人們面臨衝突時選擇嘅態度。因為頻繁爭執而將感情消磨嘅案例比比皆是,但嘈嚟嘈去感情仍然10年如一日嘅伴侶都有好多人,其中差異何在?關鍵在於成功伴侶知道鬧交時絕對唔可以做3件事。
#1 批評
臨床心理學家 Jeffrey Bernstein 認為,嘈交時出言傷人,對一邊嚟講可能只係發洩情緒嘅渠道,但對承受者一方嚟講,惡言等同不信任自己嘅人格、同埋貶低。
應對方法:比對起出言批評,我哋更應該具體指出對方嘅行為會為自己帶嚟邊啲負面影響,例如「你咁樣做,令我覺得不被尊重!」
Photo from from Pinterest
#2 蔑視
相比起批評,蔑視更具有傷害性,有啲蔑視嘅說話更加涉及人身攻擊~嘈交之中所講嘅蔑視說話唔單止係為咗發洩情緒,更大程度上係為咗激嬲對方,所以蔑視係破壞感情嘅最大兇手。如果唔想消磨感情,就切忌喺於爭吵中表現出輕視、不屑嘅態度。
應對方法:你可以先搵出「蔑視態度」背後潛在目的係咩,可能係想搵到優越感、或者吸引對方嘅關注;其次就係要跟伴侶約法三章,當蔑視字眼一出現時就要立即中止對話,並且要互相提醒,等大家平伏心情先再傾。
Photo from from Pinterest
#3 迴避
Jeffrey Bernstein指出,嘈交後嘅「冷戰」傷害力不亞於前兩者—批評、蔑視。因為一旦迴避,就等同於拒絕跟另一半建立和好嘅聯繫機會。
應對方法:唔可以批評又唔可以迴避,咁到底可以點做?如果你真係需要於衝突當下離開現場,最好嘅做法就係「畀對方一個重新對話嘅機會」,例如清楚地講出幾時會再傾「我宜家無辦法同你你傾,晚飯時間我哋講清楚。」
Photo from from Pinterest
Text:TopBeauty Editorial
Photo Source:Instagram