姜濤首度開腔與髮型師戀情 會否承認拍拖視乎另一半意願 自認入行後無私生活
Photo from ig@do_do_cheng
稱自己今年犯太歲
Do姐問到姜濤的心情如何，姜濤表示自己今年犯太歲犯得好應：「原來呢行風水真係幾靈，我以前無太留意，我今年犯太歲犯得好應，一嚟受傷，二嚟有各種是是非非，都應該係今年最多，有史以嚟最多。」姜濤表示怎講他都無所謂，但如果講到家人、身邊工作人員，就會影響到他人，覺得好抱歉：「入咗呢一行，我某方面都預咗會係咁樣，我覺得我份人工包嘅，無論點評論或攻擊，但有時有啲無辜嘅人被無嘅事情影響，我真係會有啲內疚。」
Photo from 節目截圖
首度開腔談與髮型師的緋聞
Do姐問姜濤所知的工作人員是否包括髮型師，姜濤苦笑：「由我啱啱入行嗰陣，佢係幫我手嘅工作人員，我同每一個身邊嘅工作人員都係咁相處，好多工作人員都知我係點樣嘅人，可能人哋生得靚啲、高啲，就俾人寫，我會覺得影響到人哋生活，人哋唔係剩係做我一個，可能仲有其他工作，我就會覺得好內疚。」
Photo from fb@姜濤
Photo from ig
姜濤又指與工作人員都在公眾場合相處：「我覺得既然大家無嘢，俾大家影到沒所謂，冇嘅嘢就唔驚，但依家知道身為為公眾人物，可能要收埋自己。」又指自己日後對工作人員相處時會多加注意：「都係嗰句，我份人工包㗎嘛，我知道做藝人某方面無私生活可言。」
Photo from fb@姜濤
被指與髮型師發展地下情
姜濤於7月1日突然被爆出疑似戀上MIRROR御用髮型師Lydia Yung，有指二人早在拍攝ViuTV劇集《季前賽》時就撻著，並發展地下情一年。今年3月到日本工作時，姜濤還在當地順便為女方慶生，更情不自禁錫了對方一下，甜蜜互動被粉絲拍到後，經理人為了保護姜濤「A0」的人設而出高價將照片買下；姜濤早前與家人去澳洲旅行時，Lydia亦有一起陪同。
Photo from ig@keungshow_karen
事件爆發後，姜濤在IG Story貼出鄧紫棋的歌曲〈受難曲〉歌詞：「為什麼這世界越來越邋遢，這討厭的感覺每一天把我壓得，我快要爆發了，他們滿嘴污衊，句句似箭，但你何時懲戒，是否我要裝作看不見」、「妖言惑眾原來不只 Lucifer，還有拿著鍵盤的一群恐怖份子，隔著屏幕以為別人不認識，猙獰面目全部讓我想吐」，否認了緋聞。
Photo from fb@姜濤
會否承認拍拖視乎另一半意願
Do姐問姜濤若將來拍拖會否承認？姜濤稱首先會視乎另一半意願，他沒什麼所謂，不覺得要遮掩。
Text：TopBeauty Editorial
相關文章：
更多相關文章
姜濤承認叱咤事件飽受負評 曾主動要求入「雪櫃」停工一年！後決定振作接受不同聲音
01 June 2023
MIRROR人氣王姜濤近日推出第11首新歌《DUMMY》，昨日（5月31日）他到商台宣傳新歌時首度剖白今年初腳傷初癒在《叱咤頒獎禮》又跪又跑落台演出惹負評事件，他承認當時演出後自己也覺得不妥，但沒想到隨之而來是海量式報道，認為是自己出道5年來最低沉時期，打算停工一年「靜思己過」，更極端到叫公司雪藏他！
Photo from 電台截圖
Photo from fb@姜濤
承認情緒一度低落
去年11月姜濤在籃球賽觸及膝蓋舊患，要做手術及休養，至今年元旦重踏舞台出席《叱咤頒獎禮》，當時他身形暴脹，以及又跪又跑落台演出遭網民洗版嘲笑，他承認情緒一度低落：「話冇影響就一定係假。通常一落台就睇番演出，嗰陣已覺得有啲唔對路，冇諗過之後報道係海量，算係呢5年嚟比較Deep（沉重）嘅一段時間。」
Photo from 電視截圖
Photo from 電視截圖
主動叫公司雪藏自己
叱咤事件發生後，姜濤一度閉關兼絕迹社交網，更計劃一年不出歌，想讓自己安靜一年，更叫公司雪藏他：「前嗰幾年，無論係MIRROR或者個人都衝得太快，太多嘢太快得到，好易迷失。」姜濤的這個決定並沒有同MIRROR其他成員講：「我哋相處咗好耐，兄弟同兄弟之間唔需要多講啲乜嘢，大家見到我都冇提嗰件事，都係照平時咁樣，我都扮冇事咁同佢哋相處。」
Photo from fb@姜濤
姜濤自爆不夠膽睇《叱咤》當晚表演片段，在休息期間經常跑山減肥，及睇心靈雞湯自我療愈。解開心結後，他終於鼓起勇氣逼自己翻看：「屋企個電視好大，我企得好近睇，想搞清楚發生乜嘢事，唔可以逃避」。又笑：「捱過咗嗰3分鐘，同大家一樣，我都好難捱，真係好難捱！」
Photo from fb@姜濤
不後悔演出
姜濤表示不後悔那次演出，他認為表演者都想表達自己當下最珍惜的情緒，令觀眾有共鳴：「當刻我想表達受傷之前嗰種憤怒，嗰種想證明自己無事嘅急切心態，係真實嘅我，但的確用咗唔成熟、脫離表演方式去做。」
Photo from fb@姜濤
談到4月初重踏舞台，姜濤透露早在二三月時已收到經理人花姐的信息，稱會有個人演唱會及西九音樂節，他當時正在山上跑步，有考慮過要不要拒絕，但後來決定不再逃避，認為在哪裡跌低，就從哪裏爬起身，並選擇再唱《鏡中鏡》：「我唔想逃避呢隻歌，就算大家笑都好，呢首歌係我生出嚟嘅，我唔應該因為呢件事而丟低呢首歌。」
Photo from 《DUMMY》MV截圖
Photo from 《DUMMY》MV截圖
推出提醒自己的作品
談及「自嘲式」新歌《Dummy》，姜濤表示這首歌是「插班生」，原本打算推出一首較輕快的歌曲，但自叱咤事件後，他本來想沉澱一年，但聽到demo時就有個新想法，覺得要即時推出一首能夠道出心聲及提醒自己的作品，無論鬧或讚，都勇於去接受：「有人鬧、有人話，都好過冇人留意，而且自己仲有好多進步空間。」並透露花了3、4個月時間籌備，更在前學校中文老師監督下改善咬字。又預告MIRROR將推出新團歌。
Photo from 《DUMMY》MV截圖
Text：TopBeauty Editorial
