十指緊扣代表信任對方！不同拖手方法反映情侶甜蜜程度～原來拖手更有止痛功效！

手拖手係情侶間好自然嘅甜蜜動作，拖手可以帶比對方安全感，代表關係嘅認定，係最基本表達愛嘅方式！想知道對方愛不愛你，可以留意佢把你拖得有幾緊～但原來拖手細節可以反映一段關係去到邊個階段和情侶間的甜蜜程度！（馬上拿起筆記本）

1.手掌握手掌

呢種拖法應該係最普遍～通常會由男方手心向下的拖著女方，原來手心向下嘅一方係感情入面有主導權嘅角色，亦都有想保護另一方的意思～

Photo from Pinterest

2.十指緊扣

唔少熱戀中嘅情侶都好堅持十指緊扣，而在電影中看見情侶十指緊扣通常都代表非常愛著對方～原來十指緊扣代表感情非常穩定，係最親密嘅一種拖手習慣！亦象徵著雙方有強烈的互信關係～如果你和另一半會不其然的十指緊扣，真係要講返聲：「恭喜哂～！」

Photo from Pinterest

3.反握拖手

呢種拖手方式代表呢段關係入面其中一方比較依賴對方，名符其實係「糖黐豆」，你亦會尊重對方，為對方留下一些私人空間～

Photo from Pinterest

4.拖手指

有時拖得悶，都會拖著另一半手指調情一下～！原來拖手指顯示出你地都好獨立，唔會好易受別人影響，信任對方同時會比對方空間～呢種關係真係又成熟又浪漫呀～！

Photo from Pinterest

5.公主式拖法

呢種拖法代表另一半喜歡拖手之餘，亦鐘意翹住你隻手！呢個係一種依賴嘅拖法，代表對方好迷戀你，你亦都好想保護佢～如果遇到這樣的人一定要好好珍惜啊～！

Photo from Pinterest

另外更有美國大學研究指出原來拖手唔單止係愛的表現，原來仲可以減輕痛苦，係止痛良藥！研究結果顯示，被拖手的一方痛楚強度較獨自承受低達34%，而且拖手會令情侶腦電波同步，令對方能身同感受，腦部更會釋放化學物質鎮痛！所以如果各位姊妹下次有頭痛肩痛經痛，不妨問男友借一下對手啦～！

Text：TopBeauty Editorial

Photo source：Pinterest