不止愛情專一更是柔情爸爸，吳尊心痛女兒比賽落敗，兩父女一同流淚「要讓她明白過程比結果重要！」

By Michelle on 10 Apr 2019

Digital Editor

台灣藝人吳尊唔單止高大有型，而且出哂名孝順又愛妻，專一又深情嘅佢亦好愛錫子女，要數缺點...大概係已為別人嘅老公了（笑）呢位堪稱地表完美男人非常柔情，曾經喺唔少節目中，一提到家人、愛情就會眼睛通紅，令人感受到佢真係一個用情好深嘅男人。近日佢就喺個人社交平台上同大家講自己再次「傷心流淚」了，唔係為博大家同情與關心，而係吳尊愛女NeiNei於公開比賽中落敗，為人父母感同身受都難過起來，呢張「溫情牌」再次突顯吳尊係個柔情好爸爸啊！

Photo from from Weibo

「爸爸」比人感覺就係沉默寡言，發惡起上嚟非同少可、有威嚴...偏偏有一類爸爸柔情似水，感情細膩過唔少女性，吳尊絕對係其中一位表表者。

Photo from from Weibo

事關吳尊早前於微博上發文，現年8歲嘅愛女NeiNei從3歲起開始學芭蕾舞，早前陪同女兒參加公開比賽，習舞多年嘅NeiNei第一次參加個人演出，所以日夜苦練，更同爸爸講好想贏比賽。但海外對手好強勁，最終參賽者中年紀最輕嘅NeiNei落敗了，更為此痛哭一場。爸爸雖然明知比賽有輸有贏，但眼見女兒可憐樣子都忍唔住喊。

Photo from from Weibo

吳尊於微博上寫道：

「NeiNei哭了，我也流淚了……她從三歲開始學芭蕾……為了她第一次的亞洲比賽，沒日沒夜的苦練...第一次的個人演出，她一直告訴我真的很想贏……但我知道汶萊芭蕾舞的環境還是不能跟海外比……她還是這比賽最年輕，也是第一位出場表演的；其實，我只想讓她來見識，來吸起(汲取)經驗……讓她去感受失敗的感覺也不是壞事……我會慢慢讓她明白過程比結果更加重要……她今天的表現是她有史以來最好的一次……在我心目中，NeiNei已經很值得爸爸驕傲了！」