結婚18年恩愛如初，打風都打唔甩！袁詠儀御夫術4大秘訣公開，輕鬆收服萬人迷Chilam～

靚靚袁詠儀同埋Chilam張智霖係娛樂圈入面嘅模範夫妻，大家都好好奇到底靚靚係靠咩方法收服Chilam呢個萬人迷？雖然兩人已經結婚17年，但感情如初，打風都打唔甩？！原來靚靚平時就靠4招御夫術，大家快啲學下野啦～

Photo from anitayuenwy@Instagram

Chilam唔單止外型靚仔又有紳士風度，而且性格風趣幽默，大家都好鐘意佢，成日會有緋聞纏身，不過靚靚都可以一一除去！靚靚話男人如過有樣又有才華，再加上幽默就很容易出事，靚靚仲話Chilam試過將其他異性送比佢嘅湯水帶番屋企分享，真係好有膽量。

Photo from anitayuenwy@Instagram

1.靠朋友

靚靚指男人本性好難改，所以就要由女方親自出動，捍衛自己嘅愛情同埋家庭。其實做演員好難避免要周圍做野，作為另一伴都好難24小時都知Chilam嘅行蹤，呢個時候朋友就好重要，靚靚話佢喺娛樂圈入面確實朋友好多，每個同Chilam合作嘅人都會主動打電話同佢報告，所以唔洗自己去打探，朋友們都自動上報。不過靚靚唔建議check對方電話，佢覺得咁樣唔單止會令對方反感，兩人之間嘅信任都因此而被破壞。

Photo from anitayuenwy@Instagram

2.要求對方時 自己也要做到

另外，當我地自己對另一半有要求嘅時候，自己都要做得到。靚靚自從同Chilam公開戀情之後幾乎好少會傳緋聞，佢表示對傾慕者一定要夠絕，如果感覺到對方對自己有意思，就要清楚地傳達比對方知佢地兩人無發展嘅可能。

Photo from anitayuenwy@Instagram

3.適當地宣示主權

靚靚話曾經有一次有個傾慕Chilam嘅女人向Chilam打招呼，完全無視咗企喺Chilam身邊嘅靚靚！唔理咩時候，都要適當地宣示主權，既然無可能24小時跟喺對方身邊，咁當有異性埋身嘅時候就要宣示主權～

Photo from anitayuenwy@Instagram

4.自己也要有交代

智慧與美貌並重嘅靚靚，即使宜家已經47歲，但都依然非常有魅力，所以身邊都有唔少傾慕者，Chilam亦會因此而好擔心老婆嘅去向，會check住老婆嘅行蹤，呢個時候就要等對方緊張一下自己，行蹤要報備，要留住老公不如等佢留住你！

Photo from anitayuenwy@Instagram

Text：TopBeauty Editorial

Photo Source：Instagram