日票選「平成最強美女藝人」，新垣結衣僅拿第二！第一名嫁了日本前首相外孫

By joycecheung on 11 Apr 2019

日本明仁天皇即將退位，從5月1日起會使用新年號「令和」，沿用咗31年嘅年號「平成」亦將會成為歷史～日本網站「goo ranking」就舉辦咗「平成最強美女藝人」選舉，位位陪伴著青春的女星都榜上有名～但「國民老婆」結衣bb竟然敗比另一位女星！

Photo from Pinterest

第1位北川景子

今年32歲嘅北川景子眾望所歸成為第一位！北川景子當年以雜誌模特兒，以及拍攝真人版《美少女戰士》出道，期後和山下智久共演《零秒出手》成為最活躍女藝員之一～最近主演日劇《賣房子的女人的逆襲》更獲得不少好評！於2016年更加和日本前首相外孫Daigo拉埋天窗，可以話係事業愛情兩得意～！

Photo from Pinterest

第2位新垣結衣

剛進入30代的「國民老婆」新垣結衣出演廣為人知嘅純愛電影《戀空》後成為一線女星，一直係電影和電視劇兩邊打拼，拍過很多2016年主演日劇《逃避雖可恥但有用》可以話係登上事業高峰！片尾跳舞片段可愛得簡直瘋魔全個日本（笑）

Photo from Pinterest

第3位石原里美

出道咗17年嘅石原里美係一個超有實力嘅演員～甜美嘅臉蛋曾獲選為《最理想臉蛋第一位》！雖然石原里美曾透露中間有好一段時間完全沒有工作，但呢啲都無阻佢嘅實力同戲路，由《失戀巧克力職人》中嘅小妖精，到《Unnatural》嘅法醫女王都難唔到佢，上年更憑藉《Unnatural》榮獲最佳女主角獎，真係實至名歸呀！