情侶不吵架關係更危險！沒有衝突不代表幸福，專家：各自隱藏情緒最破壞感情～

By Michelle on 11 Apr 2019

Digital Editor

天下間有邊對完全無鬧過交嘅情侶？但係應該無人會好享受鬧交吧～害怕鬧交係因為我哋深知爭執會傷害感情、仲會不知不覺令自己變得情緒化，令伴侶覺得自己好無理取鬧。情侶之間會鬧交大部份基於雙方持有意見不同，但你有無諗過，如果雙方性格相似，對事情嘅取態都一模一樣嘅話，生活從此會變得極度平淡，缺乏男女之間性格不同卻又互相吸引著而產生嘅火花～

Photo from yingcaier ＠ ig

作家 Sandy Burris 講到，良性嘅鬧交係可以有效抒發情緒，係一種良好嘅溝通方式；相反，將情緒收收埋埋屈喺心入面反而係最具毀壞性嘅習慣，因為小情緒最終會變成「怨恨」。

Photo from wongtsuiyu @ ig

最重要係，情侶間要明白雙方成長背景、過去經歷都唔一樣，人生經驗會令你哋持有唔同意見，你哋會為此「意見交流」，甚至會堅持己定而跟對方有輕微嘅意見衝突，但唔代表你哋唔愛對方。

Photo from yingcaier ＠ ig

因此，鬧交係可以令愛情長久其實都不無道理

＃1 你哋對彼此唔會有積累嘅「怨恨」

好多人害怕有衝突，或者主觀地覺得對方唔會了解自己內心世界、心情，所以將好多想法、情緒都放喺心入面，透過時間去沉澱情緒。但大部分時間，被壓抑嘅情緒根本無完全消失，試諗下有幾多次跟另一半鬧大交係因為「積積埋埋」嘅不滿一次過爆發？即使你忍耐力特強，可以將心情忍住，唔向另一半告解，呢種情緒都會以另一種形式存在，例如係憎恨、不信任。