機智do姐遇到不同困難都一一化解!「 我敢驕傲講只有我收到錢!」江湖人士投資電影業時期,只有do姐攜律師出席取得片酬!

機智do姐遇到不同困難都一一化解!「 我敢驕傲講只有我收到錢!」江湖人士投資電影業時期,只有do姐攜律師出席取得片酬!

Lifestyle Hot Topics
By Maggie on 11 Apr 2019
Digital Editor

講到大台最有智慧最有口才金牌司儀嘅非dodo姐鄭裕玲莫屬。dodo姐喺1975年開始已經踏進娛樂圈,因外表討好,而且演技精湛,好快就成一線花旦之位。更於1990年因《表姐,妳好嘢!》飾演表姐一角榮獲《第10屆香港電影金像獎》最佳女主角,及2000年嘅《男親女愛》毛小慧一角勇奪視后,實力大家有目共睹。dodo姐嘅成就更飛出香港,曾接受三間國際電視台CNN、 CNBC同BBC訪問,成為首位接受三間國際電視台訪問嘅藝人!dodo姐有今日成就靠嘅並唔係彩數,而係因為喺背後付出咗好多努力。依家就同大家分享一下dodo姐人生所遇到困難時如何解決,以dodo姐為學習對象,他朝一日都可以成為一個成功嘅女性。

 

 

1. 台慶災難

講到最經典一幕,就係喺2016年嘅台慶,陳凱琳於台慶上誤將「奮不顧身」講成「粉身碎骨」,機智嘅dodo馬上冷靜解決依場災難話:做藝人一定要向觀眾負責,如果唔係明明「奮不顧身」都會變成「粉身碎骨」!贏得全場獎聲!

Photo from ig @ do_do_cheng

Photo from ig @ do_do_cheng

 

2. 電影業江湖人士投資時期

曾有一段時間,電影業多咗好多江湖人士投資,因此好多同業電影明星完成拍攝後都無收到拍電影嘅酬勞。但聰慧嘅dodo姐為咗避免依個情況於是唔簽署佢地所設嘅合約,並且用自己請來嘅律師,將每一項要做嘅工作都搵律師記下。到現時為止,dodo姐都話:I am very proud to say 只有我收到錢!

Photo from ig @ do_do_cheng

Photo from ig @ do_do_cheng

 

3. 《殘酷一叮》 面對小朋友參賽者絕無手軟

仲記得《殘酷一叮》依個秒秒都計錢嘅遊戲節目嗎?當時有一對只有10多歲嘅小朋友以粵曲作參賽作品。唱演女聲嘅小朋友一唱就唱咗差不多成分鐘了,dodo姐為免唱男聲嘅小朋友一句都無唱過嘅情況下而被叮,因此等到唱男聲小朋友開口唱了一句後就叮了。dodo姐俾評語時話:妳年紀細,我都要講。妳要接受挫折,人生就係咁。妳唱時已經有啲走音,本來都想叮妳,奈何唱男聲小朋友未唱,於是等到佢唱句先叮。可見dodo姐做事膽前顧後,而且無因參賽者年紀小而手下留情,更帶出人生本來就要接受挫折才成長嘅道理!

廣告
廣告

Photo from ig @ do_do_cheng

Photo from ig @ do_do_cheng

 

4.鄭九組

dodo姐做事認真又全力以赴去做好每一年事。喺當年,dodo姐一日可以拍九組戲,絕無怨言,因此得到「鄭九組」美譽。只要有付出,就必然有目共睹。

Photo from ig @ do_do_cheng

Photo from ig @ do_do_cheng

 

Text:TopBeauty Editorial

Photo Source:Instagram

 

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK