人見人愛好同事5個特質！獨立能幹兼友善～遇到要好好學習和珍惜～
職場上總係有一兩個同事人際關係特別好，係公司行步路都好似散發住光芒，平易近人得嚟又唔假～不禁令我呢啲小薯仔用對blingbling眼望住佢～！我地總結一下呢啲同事嘅5個特質，如果你遇到佢，記得要捉實佢偷下師啦！
Photo from 電視劇照
1.能一下子和其他同事混熟
有時係職場上最難嘅唔係工作，反而係要社交！由其是剛入職同唔到其他同事混熟，好容易就會被跌入透明人嘅洞穴！如果你身邊有個同事交遊廣闊，不同部門到處皆是朋友，記得要多啲黏實佢！要知道人脈關係都係另一種投資呢～
Photo from 電視劇照
2.有說不完的話題
有冇人試過比同事話：「點解你咁靜嘅」「你做野唔出聲嘅」，其實有時唔係唔想講野，而係唔知道要點開口/有咩可以講～但你唔講野會比易比人當透明！身邊總係有同事可以永遠講唔停，每次傾計都會獲得新資訊，感覺佢好有知識、見識好廣！如果真係諗唔到有咩分享，可以培養一兩個小愛好，留意一下新聞時事資訊，最重要係唔好怕同人分享！其實只要你肯講，你同事都會肯聽的～話唔定可以揾到共同興趣呢！
Photo from 電視劇照
3.總是為同事著想
一個好同事會在公司擔當媽媽嘅角色，關心同事兩餐溫飽，仲可以不時變出零食為同事增加士氣！其實如此細心嘅同事有誰不愛～話哂見同事多過見屋企人，關心一下隔離左右也是應該的（不論男或女同事），見同事冇精神可以幫佢沖杯咖啡、見佢凍幫佢關一下冷氣，而且女性咁樣做絕對可以增加異性緣！
Photo from Pinterest
4.不需要依賴他人
公司裡總係會有一兩個「職工女漢子」，印嘢、搬嘢、換水，全部都難唔到佢！呢啲同事唔單止會受男同事喜愛，更加受女同事歡迎～其實好多時唔係某某同事冇能力做，而係習慣咩都依靠人地，呢類同事會好容易成為公司嘅討厭鬼喔！
Photo from 電視劇照
5.遇到事情總是很淡定
正所謂「淡定有錢剩」，無論printer食紙、電腦死機、或者有小強出現，身邊總係有同事可以處變不驚咁處理好所有野～有佢係度猶如食咗定心丸，遇到佢你真係要好好珍惜！
Photo from 電視劇照
其實要遇到以上咁嘅完美同事真係萬中無一～如果遇唔到不如試下自己去做呢個人見人愛嘅角色，不論同事定上司，一定會成為大家嘅厚愛呀（心）
Text：TopBeauty Editorial
Photo source：電視劇照
