令人又愛又恨的朋友!天然呆的5個特質,全中就需要特別照顧~

令人又愛又恨的朋友!天然呆的5個特質,全中就需要特別照顧~

Relationship Friendship
Byjoycecheungon12 Apr 2019

你身邊有冇出現一個反應慢半拍、成日大頭蝦、遇到咩情況都只會傻笑嘅朋友?你呢個朋友好有機會係天生「天然呆」,呢啲朋友好多時都會激到你半死,但你又唔可以將佢置諸不理,簡直令到你又愛又恨!即刻睇下以下「天然呆」嘅5大特質,如果你有朋友中晒,恭喜你!因為你要負責特別照顧佢~

Photo from Pinterest

1.好容易信人

真係唔知話呢個朋友太傻定太天真好,就算迪士尼電影入面有壞人,但佢都會覺得呢個世界無衰人,唔會有人呃佢~比人呃錢事少,但比人呃感情或者呃肉體隨時令一生留下陰影!呢啲咁天真無邪嘅朋友真係要好好睇住,唔好比佢行差踏錯呀!

Photo from Pinterest

2.完全冇方向感

如果兩個朋友出街,其中一個冇方向感就算了~但如果兩個都冇就真係大件事啦!相信好多人都試過去旅行嗰時兜兜轉轉都係去返原地~以為自己去咗好多地方,結果全日都只係停留係同一區(白眼)不過去旅行盪失路都只係Lv.1,但如果係屋企留下都盪失路就真係去到Lv.99999⋯⋯

Photo from Pinterest

3.經常在發呆

無論搭車、返工、開會、食飯、睇戲⋯⋯天然呆嘅朋友都會發揮本質到極致,呆出宇宙,靈魂好似飄咗去異度空間咁,無論你叫幾大聲、做任何動作都可以冇反應⋯⋯一班人傾計都可以完全搭不上話,雖然肉體係度,但只係得返驅殻⋯⋯

Photo from Pinterest

4.咩都可以笑一餐

天然呆嘅人通常都抱住樂觀正面嘅態度,就算面對困境都可以擠出天真嘅笑容~雖然呢份真摯可以帶歡樂比其他人,但事實可能係佢根本連自己身在困境都唔知道⋯⋯(背後發寒)

Photo from Pinterest

5.經常大頭蝦/冇時間觀念

唔記得帶銀包、電話、鎖匙可能已經成為家常便飯,嚴重者可能唔記得返工、食飯、沖涼,而且零時間觀念,永遠問你「而家幾點鐘」,約會前唔提佢就會唔出現⋯⋯真係會搞到身邊嘅人頭都大埋!

Photo from Pinterest

如果你身邊有朋友中晒以上特質,但你地仍然係好朋友,都係要講返句「恭喜晒!」因為你地已經係有經歷嘅朋友,打風都打唔甩!照顧佢嘅責任就交比你啦~!

 

Text:TopBeauty Editorial

Photo source:Pinterest


Share to Facebook