女人必需擁有自己的小財富！別再揮霍無度，做好這7件小事變身小富婆！

有冇發現自己個個月尾都變「月光族」，工作左已經一段時間仍然無辦法儲到錢？其實想儲到錢可以靠生活上嘅小習慣，只要做好以下幾件小事，就可以喺不知不覺中，變身小富婆，擁有自己嘅小財富～！

1.養成記帳習慣

好多女性都冇記帳嘅習慣，但咁樣其實係好危險㗎～！因為妳唔記低自己用咗幾錢、用喺邊到嘅話，好容易唔覺唔覺駛多咗錢而自己唔知道，正所謂「積少成多」，每日用嚟買咖啡嘅錢雖然係小數目，但一個月下來就係一筆大錢！每次用完錢無論數目大小都要一一記低，除咗有紀錄有追尋外，亦可以提醒自己會唔會用錢過度添～

2.取消多餘信用卡

一個人擁有最佳信用卡數目係1至2張，如果你自認係一個冇節制嘅人，1張信用卡就已經足夠啦～太多信用卡會導致難以打理，有時可能會唔記得找付某幾張信用卡嘅款項，而增加不必要嘅利息支出！

3.不要買太多保險

買保險固然係每人個嘅必需品，不過如果買太多份保險，會令到妳嘅支出永遠大過收入，雖然有啲保險可以幫妳儲埋錢，但多數年期長，所以買保險最好簡而精，揀最適合自己嘅保險產品，一份起兩份止～！

4.買東西前三思再三思

亂買嘢絕對係儲錢大忌！妳應該要好好了解自己嘅需要，提醒自己唔好咁多買生活所需以外嘅物品，偶爾一兩次好啦！買嘢前亦都要三思再三思，諗清楚自己係咪真係需要定只係慾望驅使。（注意：護膚品千祈唔好慳！）

小TIPS：小編習慣若睇中一樣物品唔會立即買，假如過咗3日仍然有慾望購買，先會返去入手，呢個稱之為「購物冷靜期」，因90%的購物行為都係源自衝動，只要識得控制自然唔怕買多咗～

5.學會投資，著重收息穩定

平日多留意財經新聞，多研讀投資書藉，嘗試買一啲保守嘅投資產品，以賺小錢或者利息為主，例如公用股、銀行股或儲公基金等等，咁樣可以幫補唔少㗎！不過千萬唔好貪心想賺快錢而炒股，細型股價格波動大，隨時輸到連本都冇！

6.訂一個短期的儲錢計劃

冇一個詳細嘅目標係絕對不利於儲錢！妳要訂立一個短期目標俾自己先，再詳細計劃點去達到個目標，例如每月一定要儲到3千蚊等～千萬唔好一下子訂下長期計劃如要儲到10萬，因為咁樣太遠地，只會令你輕易氣餒放棄，總之四字記之曰：「積少成多」！

Text：TopBeauty Editorial

Photo source：Instagram