得閒要同男朋友煮下飯仔！親自下廚可減壓，生活更幸福～
今時今日落街食個飯都好方便，好多上班一族都成為「無飯夫婦」，如果得兩個人食飯好難買餸，又要洗又要切，隨時整一整要個幾兩個鐘，平時放工咁攰仲點會有時間同心機下廚呢～但你又有冇諗過其實煮野食都係一種享受嚟，煮食唔單止可以有口福，而且仲有效減壓～！
Photo from ig @ wongtsuiyu
Photo from ig @ laurinda_ho
煮食步驟其實有很多，從最初構思食譜，到準備材料、清洗、切菜、調味、擺盤、最後仲要洗碗清潔，煮食學問可謂學一世都學唔完！有研究發現，煮食其實極具創作力，而每日都完成一些「創作力活動」可以令人保持正面積極嘅情緒，呢種情緒仲可以延續到第二日！
Photo from ig @ judy.kwong
研究人員發現，下廚可以帶比人無限成就感，呢啲成就感可以令人生活更有活力，生活會更幸福美滿！而煮食更加係心理疾病嘅良藥，因為煮食時所有東西都會控制係手中，不論份量和味道，可以令人完全將專注力放在其中，唔少心理醫生都會推薦用煮食嚟克服憂鬱同焦慮～
Photo from ig @ gem0816
其實自己煮嘢食真係利多於幣～自己煮可以好好控制食物中嘅油、鹽、糖，更容易維持健康飲食習慣～加上自己煮可以保持衛生同慳返唔少錢！識得煮嘢食嘅人會更加受人歡迎～有時煮一餐飯比家人或朋友食真係會好有成功感！而且不論味道如何，佢地一定會感受到你嘅溫暖～！
