姊弟戀都可有開花結果一日～拆解姊弟戀謬誤同需要面對的問題，好讓妳被突如其來的姊弟戀突襲都不會被殺到措手不及！

By Maggie on 12 Apr 2019

Digital Editor

喺以前，姊弟戀可能係戀愛禁忌。但喺依家，只要環顧四周，都唔難發現身邊充斥住多對姊弟戀而且開花結果嘅愛情。娛樂圈當然都唔例外，姊弟戀嘅戀情不但得到多人祝福！女方更主動認愛！依家就同大家探討下外界對姊弟戀有咩謬誤想法同可能會面對嘅問題。好讓被突如其來嘅姊弟戀愛情突襲，都唔會被殺個措手不及！

1.姊弟戀謬誤

#年紀小唔代表思想幼稚

只要妳曾經試這跟比自己細嘅男生拍拖或聽朋友分享，就會知道其實年紀大細同思想成唔成熟係無直接關係。有時一個人成熟與否會跟成長背景或工作年資先有直接關係。曾聽過姊弟戀過來人分享，拍拖多年，年紀較細男方都為佢人生提供好多有用意見，因為男方處事較圓滑，幫助了個性衝動嘅自己好多！

Photo from ig @ yeungchinwah

#誤意為同細過自己男生戀愛就等於湊仔

一對正常男女相戀，女方都一般會以被照顧角色和男方相處，男方都好自然擔當照顧女方一角。不過就有部分女生一聽到姊弟戀就馬上打退堂鼓，原因係怕要負上湊仔責任。但事實又有發現，姊弟戀同一般其他戀愛關係咁大分別，有部分姊弟戀嘅男方更擔心過妳怕有湊仔感覺，於是同妳戀愛時更有膊頭！

Photo from ig @ lawhimmm

#姊弟戀唔會開花結果

姊弟戀可能係戀愛嘅其中一個障礙，但唔係唯一嘅障礙。愛情會否開花結果好靠二人嘅包容同忍耐。姊弟戀未必一定唔會成事，只要用心愛都會有開花結果嘅一日。睇下娛樂圈多對姊弟戀夫妻可開一行埋就走左好多年，仲表現恩愛，就知依個想法係錯！

Photo from Weibo @ 蔡少芬

2.姊弟戀要面對嘅問題

#外形上會有不相襯機會

雖然眼見娛樂圈多對姊弟戀夫妻一啲違和感都無，全因女方保養得好。不過又唔無個個女人都會保養得好，所以一但接受咗姊弟戀就要有心理準備，自己比男方睇起來會比較老依一點，自己接受到就不成問題！

Photo from Pinterest

#別人閒言閒語

好多對娛樂圈姊弟戀夫妻回想當年仲係情侶時，都被外界唔看好，都斷言佢地不出幾年就會分階段。這都全因別人嘅閒言閒語。有人嘅地方就自然有事非，旁人未必會理解妳點解千選萬選但最後選擇咗一個比自己年紀細嘅人，但有時愛情就係解釋唔到，所以對於別人嘅閒言閒語要學會好好控制自己情緒，更重要嘅係要接受閒言閒語嘅存在。