女生只有增值自己先可以令優質男動心～5個優質男特質，同時令自己進步！

By Maggie on 15 Apr 2019

Digital Editor

唔知大家會以甚麼作標準去選擇自己嘅另一半呢？有時男方性格同自己夾唔夾，又或者佢本身人品好唔好，都係一個值得考慮嘅因素。試想像下，如果俾妳幸運地搵到個收入可觀嘅發展對象，但係相處嘅過程中發現佢人品差仲要唔尊重女性，妳仲會將佢列入考慮範圍嗎？所以如果妳碰到喜歡嘅男生又擁有以下特徵的話，不妨好好把握噢！

1.有主見

不要小看依一點，曾有女生朋友分享，跟心儀對象約會時，發現喺對話之中久不久都滲入「呀媽話」，又或者好多人生決擇位都係由呀媽做哂決定。朋友就想像到假如日後真係同對方戀愛了，一定會有同佢呀媽拍拖嘅感覺！所以最好還是揀個有主見嘅男人，因為女生大多都好需要另一半聆聽自己遇到嘅困難，從而提供可行嘅意見。如果佢連為自己嘅事都下唔定主見，又點會幫到妳呢？

Photo from Weibo @ 郭蔼明

2.捉緊機會

俗語有話：執輸行頭慘過敗家。雖然話機會係留俾有準備嘅人，但其實不如話留俾願意去捉緊機會嘅人會更貼近現實！因為只要妳環顧四周，就會發現因害怕又或無膽色嘅人眼白白望住個機會走咗去嘅情況居多。事後又要埋怨自己點解當初無勇氣而錯失機會！所以一個會有膽色而且又會主動捉緊機會嘅男人係會為人生帶來更多機遇，更多可能性。