吳浩康3號風球仍堅持返地盤自爆每月養家超支：不想做但無錢！網民大讚真男人！

By Fennie on 04 Jun 2024

Digital Editor

吳浩康（Deep）近年為了養家從歌手跨界做地盤，而獲網民大讚「職安真漢子」，更因此迎來事業高峰，廣告密密接不停，但都仍然繼續返地盤。日前吳浩康在IG Story剖白心聲，大爆每月支出高達5萬元，更直指「就嚟要賣腎」！

Photo from ig@ngdeep

即將41歲的吳浩康，去年底與英皇娛樂結束20年賓主關係，為養家不惜轉行做地盤工人。他不時在社交平台分享自己的地盤工日常，包括曾分享上班過程實錄，早上6時出門口乘港鐵再轉小巴到淺水灣地盤開工；又分享過五星級地盤飯，只需要40蚊就有齊飯菜肉，汽水任君選擇；以及收工後坐巴士累到入睡的影片。由於顧家形象入屋而人氣急升，亦為他帶來更多廣告、幕前工作機會，與餐飲品牌、保健產品、個人護理品牌合作，又頻頻出騷唱歌，再創演藝事業高峰。

Photo from ig@ngdeep

3號風球仍堅持返地盤

雖然吳浩康近期廣告歌唱工作接踵而來，但他曾表示想打多份工賺奶粉錢，不會因為幕前事業有所起色就放棄地盤工作。日前天文台發出三號強風信號期間，吳浩康仍堅持返地盤開工，為中環海濱的S2O潑水音樂節搭架，更自嘲：「好鍾意返工」。事件引起熱烈討論，他就剖白其心聲，透露每月支出高達5萬元，直言「其實都唔想做㗎無錢咋，每個月支出最少5萬，唔好話要返地盤，就嚟要賣腎。」

Photo from ig@ngdeep

獲網民大讚真男人

不少網民對吳浩康敬業態度大讚他是「真男人」：「懂得保護家人嘅人好值得大家支持」、「真男人，真心佩服」、「比以前更欣賞佢。身為藝人，有機會出鏡係好事。但身為人哋老公、爸爸，願意為養家糊口錢，不怕別人知道而繼續做建築，真係比個like佢」等。

Photo from ig@ngdeep

吳浩康當年憑「靚仔版陳奕迅」之名出道，但入行第二年就被負面新聞纏身，加上太多緋聞，而令自己形象負面。不過，自從他公開自己為養家而放下歌手身段做地盤之後，自此人生逆轉，不但收入穩定而且形象正面。他曾在接受訪問時提到「接受唔到屋企人捱肚餓，接受唔到老竇要考慮出番嚟做嘢」，而決定入地盤工作，更表示「最重要是做正行」。