單身是因為你太聰明~研究發現:高智商較難找到另一半!不用再懷疑姐的魅力了~
單身嘅人成日會比人討論,被猜疑單身嘅原因係唔係因為外貌、性格、條件問題,但其實今時今日唔少女性會選擇單身或者遲婚,宜家仲出現咗一個新理由,解釋一直搵唔到另一半係因為你太聰明!到底呢個理由適唔適用於你呢?快啲睇下自己有無以下4種特質~
# 高智商 高學歷
美國耶魯大學曾經做過一份研究,指出宜家接受高等教育嘅男女比例愈來愈接近,擁有高學歷嘅女仔,會傾向尋找同自己學歷相等嘅男仔作為另一半~正因為擇偶條件增加,令找尋伴侶或者對象嘅難度都提升,單身機會亦同時變高。
Photo from 周海媚 @Weibo
# 性格獨立
時下有唔少女仔性格獨立,明白人生中唔係只得愛情,佢地有自己想要追求嘅事物,所以認為愛情只要順其自然,無需強求~同時非常享受一個人生活嘅自在感,甚至會擔心另一半嘅出現會妨礙自己嘅發展,所以對於戀愛亦無特別追求~
Photo from charmaine_sheh @Instagram
# 為人理智
如果你本身係一個好理智嘅人,就算係感情上都依然係理性行先,可能會令你喺面對感情都依然每一步思考同分析,令單身嘅機會變大。
Photo from vvyeo @Instagram
# 很清楚自己需要什麼
太清楚自己需要啲咩,你唔會花太多時間喺尋覓另一半上,遇到真正適合嘅人你先會出擊,其餘一概唔會考慮,所以有機會長期處於單身~