歐倩怡離婚後首開腔 自爆4年前曾呼吸困難枕邊人竟不理！現玩交友App曾與6男見面
歐倩怡（Cindy）與郭晉安上個月無預警宣布離婚，震驚了整個娛樂圈，二人宣布離婚後都保持沉默。近日，離婚後的歐倩怡首度接受由「蝦頭」楊詩敏和連詩雅（Shiga）主持的網台節目《絲打圍爐》訪問，自爆2019年曾大病一場，向枕邊人求救，但對方的反應連兩位主持人都驚呼「有冇搞錯？」，某程度上已說明了離婚原因。
Photo from fb@歐倩怡Cindy Au
玩交友App與6位男士約會
歐倩怡在訪問中全程笑容燦爛，似乎已經走出離婚陰霾。她被問到感情關係轉變時大方承認近期開始玩交友App，至今跟6位男士約會過，又笑言靚仔通常伏味濃：「我係實驗性質，唔係為識男仔而識男仔，我16歲開始入娛樂圈，我個世界都係娛樂圈入面嘅人，近呢一年喺中醫診所打工，開始接觸呢個社會，但其實好多人際關係、社交手腕等，以前都係靠晒經理人，呢方面我係好渣。我係想睇下呢個世界，唔同行業既人做緊乜。」
Photo from 節目截圖
4年前曾死過翻生
歐倩怡坦言自己對感情持開放態度：「冇所謂，有啲七老八十先遇到真愛喺埋一齊啦，緣份擋唔住，要走又挽留唔到，人生就係離離合合，生老病死。」歐倩怡直言現在變得豁達，皆因在2019年曾有過經歷，當時她正身患重感冒，高燒不退，在一晚半夜的睡夢中突然感覺到左手中指似觸電去到身體，並感到呼吸困難：「我坐起身拍我隔離嗰個，我抖唔到氣，自然講唔到嘢。」但怎料身邊人竟說：「咪玩啦！繼續去瞓覺。」
Photo from 節目截圖
歐倩怡表示，當時每一秒都覺得好漫長，之後枕邊人覺得不妥，便上網睇資料是否真的要call白車：「後來佢搵到一個方法，就係用片糖沖熱水畀我飲，抖唔到氣仲要飲片糖水！」在生命危急時刻，身邊人竟選擇上網搜尋方法，而非即時call白車送院，蝦頭聽罷都嘲諷︰「佢冇攞香爐灰沖水畀你飲已算好。」
Photo from 節目截圖
Photo from 節目截圖
歐倩怡續說，當刻她已出現失禁情況︰「佢驚我嘔喺床，我攞住個痰罐，最後我只飲咗少少（片糖水），當時我已經失禁，搞到張床周圍都係。去到嗰刻，我已經知自己唔得，然後好似做戲咁，開始出現人生回帶，我覺得唔得㗎，我啲仔女太細，會諗仲有啲咩未做，突然之間，我個頭塞咗入痰罐，暈咗。」
Photo from fb@歐倩怡Cindy Au
郭晉安反應令歐倩怡決定離婚
歐倩怡表示，當第二天醒來，自己的頭部仍塞在痰罐入面。蝦頭聽到這裡忍不住問：「有冇搞錯呀？冇call白車咩？」歐倩怡表示：「如call咗，大家新聞應該睇到！」之後歐倩怡就入院留醫，照肺片，嚴重肺炎致肺積水，一次過肺炎、肝炎、腸炎、尿道炎，之後要不停食藥，半年後才康復。
Photo from fb@歐倩怡Cindy Au
那晚經歷，最匪夷所思是身邊人的反應。死過翻生，歐倩怡開始為自己打算，Shiga問︰「係咪呢次經歷啟發你某啲事嘅選擇，或者planning？」歐倩怡不諱言該事件令她感到生命脆弱，不知道下一刻會發生什麼事，她認為人應該及時行樂。
Text：TopBeauty Editorial
