![梁思浩爆女星高招捉老公偷食證據:私家偵探錢都慳返!更扮無辜冷靜處理成大贏家!](https://image.topbeautyhk.com/wp-content/uploads/2024/07/1ng.jpg?auto=format&w=718)
梁思浩爆女星高招捉老公偷食證據:私家偵探錢都慳返!更扮無辜冷靜處理成大贏家!
近日捲入是非的梁思浩,繼續在網台節目《娛樂好好玩》大爆圈中秘聞,而網民亦樂於食花生。他就最近熱話展開討論,提到吳若希在網上公審老公車女同事返工一事,然後教吳若希擊退情敵的方法,更指這個方法是由她的「師姐」教路,而且高招到連「私家偵探錢都慳返!」
Photo from 節目截圖
教路吳若希一招擊退情敵
梁思浩近日與江美儀及Mandy主持網台節目《娛樂好好玩》中提到吳若希網上公審老公一事,他便教路吳若希一招擊退情敵,並指這是由她的「師姐」教路:「有個師姐發覺佢老公唔係幾對路,你知唔知佢做咗啲咩?聰明女到不得了!佢同記者講,『我發覺我老公好似有啲唔妥,出邊有檔嘢搞。』」江美儀即追問那位記者有什麼反應,梁思浩即說:「有乜嘢犀利得過人哋用成間報館嘅狗仔隊跟你老公呀?私家偵探錢都慳返!仲要第一手消息,幫你蒐集埋資料,有相有圖有真相!」
Photo from 節目截圖
梁思浩再爆料指該名人妻最絕之處,是其老公被拍到偷食證據後,她還在老公面前扮無辜說:「今日報紙登嗰啲係咪真㗎?」提醒老公事情已揚開,囑咐他行事要小心,梁思浩大讚她高招到不得了。
Photo from 節目截圖
網民推斷事主身份
江美儀很想知道梁思浩爆料的這位人妻身份,便叫對方在自己耳邊開估,當她聽完後說:「但係佢後尾都慘,佢都要出嚟搞一輪嘢。不過佢不嬲都叻,成日話自己好細個出嚟蒲。」而Mandy更答嘴說:「佢仲要幫佢解畫。」網民們紛紛猜測事主的身份,當中Mandy的一句說話成為關鍵線索:「佢仲要幫佢解畫。」令網民推斷事主是伍詠薇。
Photo from fb@伍詠薇 Christine Ng
老公偷食 伍詠薇冷靜處理成大贏家
2016年,伍詠薇的老公練海棠被影到與長髮女車中蜜會,她被傳媒追訪時表現冷靜,指尚在向老公了解事件:「呢個時候老婆愈冷靜處理,老公就愈驚。」她又指自己會選擇相信家人,更多次代老公致歉!而向來幽默的伍詠薇,接受訪問時都忍不住寸老公:「佢出去食飯食得幾開心,好似初戀咁!」
Photo from fb@伍詠薇 Christine Ng
Photo from fb@伍詠薇 Christine Ng
面對丈夫出軌,伍詠薇更是心痛和失望,但她指丈夫是自己揀的,亦檢討自己可能工作太忙忽略了老公,所以當事件發生了她便選擇去包容對方:「叫佢以後乖乖地啦,食飯要話畀老婆聽。呢件事發生一定有原因,自己有咩問題,有冇問題,有問題,咁佢更加有問題啦,所以你嘅問題大啲,我嘅問題都有我嘅問題存在,大家商討囉,傾得埋就合,傾唔埋就分手!」老公雖然被爆偷食,但伍詠薇回應大方得體,不但沒有責怪任何人,反而覺得自己都應該檢討而獲讚是好老婆。
Text:TopBeauty Editorial