![袁偉豪大談湊B心得 更自爆陪產過程 想要兒子與連詩雅B女對親家?](https://image.topbeautyhk.com/wp-content/uploads/2024/07/1ben.jpg?auto=format&w=718)
袁偉豪大談湊B心得 更自爆陪產過程 想要兒子與連詩雅B女對親家?
Photo from 節目截圖
大談湊B心得
提到夫妻如何分工,袁偉豪大方表示自己在湊B方面主要負責陪玩:「其實我哋分工分得好清楚,當一個人行出嚟講嘢嘅時候,另外一個人就會退後,你講我唔講,需要有呢個默契。」
Photo from 節目截圖
談到仔仔袁咕碌出世時刻,袁偉豪表示自己即使到了現在這一刻仍會經常回味太太張寶兒生產的那個moment:「我有啲攝影機拍攝紀錄,所以嗰段影片擺咗喺我個IG帳戶嗰度,我成日都會拎出嚟睇。」他續指太太臨盆前自己正在深圳開工,直到張寶兒生產當天請假回港,並趕到醫院,到了醫院又要做足安全措施戴頭套,所以好擔心來不及影BB出世時刻:「好驚啲片影唔到,醫生拉起塊布,得我同佢喺塊布後面,我以為自己錄緊,但調校錯咗50格慢鏡嘅模式,然後仲要收唔到聲,結果段片全部都係冇聲。」
Photo from 節目截圖
見證兒子出世 袁偉豪爆喊
其實,在張寶兒生仔時,袁偉豪正身在深圳開工,直到太太要準備剖腹產子便趕回港陪產,陪伴4日後便上深圳繼續開工,幸好獲得太太的體諒,讓他可以安心工作。袁偉豪又自爆當時一聽到BB喊聲感動到爆喊。
Photo from 節目截圖
袁偉豪又提到自己由BB出世一刻已不斷拍片、拍照,每日都為BB做紀錄;又會趁返港工作時抽出一些時間去醫院陪張寶兒。
Photo from ig@_bowiecheung_
連詩雅望B女與袁偉豪B仔對親家
連詩雅透露自己陀B女Camila,與袁偉豪兒子袁咕碌的年紀只是相差幾個月,她笑言想要與袁偉豪夫婦「對親家」:「女兒我已經幫你決定咗,我想對親家,已經喺度相親啦!」張寶兒笑指早知帶袁咕碌上節目,Shiga又笑言:「現在可以做定玩伴先,等佢哋青梅竹馬,大個就自行發展。」
Photo from ig@shi_ga
Photo from ig@_bowiecheung_
張寶兒分享產後修身秘訣
談到張寶兒懷孕期間的變化,她就表示自己一懷孕後腰部變厚:「可能因為係懷孕,身體就自然會有脂肪,令我陀穩BB,我覺得自己冇咗條腰。」她又笑言最大原因是坐月時吃得太豐富,一日食足六餐,才導致肥胖。
Photo from 節目截圖
張寶兒又分享產後修身秘訣:「生完之後有一段時間要餵奶,餵奶都會燒咗好多脂肪,同埋你落力去湊BB,再加埋因為唔夠瞓,就自然會瘦,瘦到有一個時期55公斤,都維持咗兩三個月。之後我就靠做普拉提,同埋有少少斷食。」
Text:TopBeauty Editorial