超高質搞笑之作！何廣沛、張彥博等化身「跳躍F4」，重拍經典《流星雨》MV超爆笑～

近日熱播TVB劇集《跳躍生命線》，播出以來收視口碑都好好，大家關注嘅除咗馬德鐘回歸擔正做男一之外，劇入面仲有唔少年輕小生，例如何廣沛、張彥博、郭子豪同埋羅天宇等等～今次佢地仲化身「跳躍F4」，重拍爆笑版經典《流星雨》MV，絕對係高質之作，唔少人睇完都話笑到肚痛，強烈推薦大家快啲去睇呀！～

MV入面佢地嘅造型同手勢，加埋特效都係跟足F4經典嘅《流星雨》MV，不過首歌就換咗做《跳躍生命線》嘅主題曲《無畏的肩膊》，Caption寫道：「呢個MV不論氣質、唱功、特效都屬於高汁之作，我哋掌聲歡迎2018新人 – 跳躍F4出場！！！！」

第一眼真係會以為係F4原本個MV，而且佢地完全表現到當年F4嘅神韻！每個人嘅角色都好適合佢地呀～

當年風靡萬千少女嘅「仔仔」 周渝民就由青靚白淨嘅何廣沛飾演，溫柔嘅氣質、深邃嘅雙眼，其實都同仔仔有幾分相似呀～

而充滿浪子感覺嘅言承旭就由羅天宇飾演，背心配合長髮嘅造型真係非常經典～

而朱孝天就由張彥博飾演，長髮造型加上張彥博嘅不老童顏，唔知有無電親你呢～

而成個MV入面，最搞笑嘅一定非郭子豪莫屬！當年吳建豪嘅中分長髮好少人可以Carry到，郭子豪仲要全程瞇住對眼，務求可以呈現Vanness嘅招牌細眼！～

幕後彩蛋其實都笑料百出！郭子豪嘅長髮，一唔小心真係會打死人～

郭子豪真係出盡全力搞笑，呢個「猴子互相抓毛」充滿愛嘅畫面係咩事呢～

你地都快啲去睇下全個MV啦！～

Text：Girlslike Editorial

Photo Source：YouTube, TVB