黃心穎許志安被爆出軌！網民替「天然呆」馬國明感高興：「馬明自由了！」

30歲黃心穎同51歲許志安被爆於的士擁抱激吻長達16分鐘，震驚全港，網民都為同許志安結婚5年嘅鄭秀文同埋黃心穎男朋友馬國明（馬明）感到好唔抵！不過，有唔少網民都為馬國明感到欣慰，並大呼：「馬明自由了！」

馬國明喺女友出軌消息傳出後，今日12點半更新微博，貼咗與《降魔的2.0》同劇演員黃智雯、謝雪心同胡鴻鈞嘅開心合照，並寫道：「努力工作⋯⋯」，有人猜測佢喺暗地回應女友出軌新聞。

馬國明未同黃心穎拍拖前，一直被封「鑽石王老五」，為人善良樸實外，多年來努力工作，天然呆樣子更甚得觀眾歡心！

而黃心穎因馬國明女友身份而近年名氣大增，接工作接到手軟，重視物質生活嘅佢更於上年豪花過千萬購入啟德天寰820萬單位同白色波子車，又經常喺Instagram上大曬名錶手袋等等。

之前又盛傳黃心穎搭上有婦之夫，王浩信吳啟華通通都榜上有名，不過對於女友接腫而來嘅負面新聞，馬明依然非常相信女友，更多次出面撐佢！

馬明唔止愛護女友，近排仲大改形象，為襯起女友將自己打扮得年輕一啲，絕對係「廿四孝男友」啊！

黃心穎許志安雙雙出軌消息傳出後，兩人齊齊被網民鬧爆，不過有唔少人替馬明感到欣慰，並大呼：「馬明自由了！」

Text：TopBeauty Editorial

Photo source：IG