Sammi經歷抑鬱決定相信愛情，卻難逃宿命！許志安多次因新鮮感背棄愛情，網民：Sammi要撐住呀～

By Aisa on 16 Apr 2019

鄭秀文 (Sammi) 同許志安，情牽27年，中間經歷離離合合，當大家都以為佢可以一直幸福落去，今日竟然流出短片指許志安偷食TVB藝人黃心穎，兩人喺車上被拍到多種親暱行為，網民睇完片段後都不敢相信。而大家都好同情Sammi，Sammi曾經經歷抑鬱，最後選擇重新相信愛情，今次消息流出，大家都無法想像事情會對佢帶來幾多嘅打擊。

Photo from sammi_chengsauman @Instagram

曾經被稱為「香港最後一個童話」嘅鄭秀文同許志安，今年結婚第5年，Sammi曾經提到許志安變得成熟咗：「佢喺我身邊唔需要刻意做什麼，一個眼神，傾訴一下，可以畀我抒發感受已經足夠。」而許志安都有話過：「以前真係無咁細心，會以自己為第一。」但事實又係唔係咁呢？

Photo from sammi_chengsauman @Instagram

其實2004年嘅時候Sammi同許志安就經歷過分手，當時許志安因為新鮮感，先後同助理、模特兒余德琳發展過，不過當時好多人都覺得Sammi同安仔先係一對，就連同佢發展過地下情嘅助理都直言：「我好似佢（安仔）嘅管家，余德琳只係一時新鮮，而鄭秀文先係佢一生最愛。」

但Sammi都係選擇離開，被深愛嘅人背叛係幾咁受傷，相信每個人都會明白，而分開後Sammi更患上抑鬱症，曾經係自己最熟悉嘅枕邊人，卻因為「新鮮感」而放棄10年情，Sammi嘅堅強一下子就被擊垮～

Photo from sammi_chengsauman @Instagram

兜兜轉轉後，2014年兩人正式結婚，Sammi再次對愛情重拾信心，當時好多Fans都替Sammi感到高興，相信佢終於搵到幸福，而婚後Sammi亦指許志安成熟唔少，努力照顧家庭。

Photo from sammi_chengsauman @Instagram

但今日許志安同黃心穎嘅偷食短片流出，令眾人大跌眼鏡，喺大家猛烈批評當事人之際，其實Sammi先係最值得關心嘅一方，唔少網民都為Sammi打氣，更喺各個平台為Sammi發聲，甚至有人擔心佢會因此而抑鬱復發。Sammi7月演唱會舉行在即，呢個消息相信會對佢打擊好大，作為Fans嘅只好為Sammi默默送上祝福，希望佢可以好好振作～一陣7點許志安會開記招回應，無論結果如何，Sammi仲有好多人愛你嫁！