「穩定交往」暗藏感情危機～專家：4個愛情潛在陷阱，情侶會因此而無徵兆地分手。

香港最後一個童話今日正式幻滅， 令唔少人對人夫許志安大跌眼鏡，曾經公開講過「唔會愛上有婦之夫」嘅黃心穎更被鬧爆厚顏無恥。大家之所以咁激動，全因男已婚、女已有穩定男友，當然成為市民公敵。但現實入面，類似安心偷食事件並唔係新鮮事，已婚夫妻各而偷食大有人在，又或者表面上係愛得癡纏、關係非常穩定，無頻繁爭吵，亦無任何明顯徵兆，但就喺某日被對方突然提出分手要求，令人覺得毫無頭緒。但得到嘅回答只係「淡咗」、「個性不合」呢類模糊答覆，到底原因何在？

Photo from jacquelinebwong @ ig

美國南加州的臨床心理家與婚姻顧問 Randi Gunther 解釋：「無預警分手」其實唔係真正無徵兆。一段關係中，「衝突」反而未必係致命傷，反而最微不足道嘅事，先會殺人一個措手不及。

Photo from yuenkaka ＠ ig

Randi Gunther 提出5個「感情穩定交往」背後潛在危機。呢一啲原因會令心決定離開一段忠誠、平穩嘅關係。

＃1 無分工

分工意思唔係指家務分配，而係雙方對關係付出嘅「情感投資」。Randi Gunther 指出，經營感情就好似傾生意一樣，雙方都需要公嘅付出，如果某一方總係被動地接受關心，無能力跟另一半分擔壓力，長此下去只會令潛在裂痕愈來愈深。

Photo from yuenkaka ＠ ig

＃2 無趣

通常當某一方開始覺得關係無聊、沒趣味，都會因為驚傷害對方而不願承認，又有幾多人肯做醜人呢～Randi Gunther 話「感情中，安全同舒適無法永遠帶來快樂 。」當親密伴侶了解彼此，甚至了解佢每一個諗法時，就會同時失去激情、興奮同好奇。

＃3 目標不一致

但關係變得成熟，昔日二人分享類似嘅夢想同目標，隨住日子過去會發生變化，二人嘅價值觀有可能會出現分歧，而呢種差異就會造成危機。即使關係仍然有「愛」存在，但無可置疑二人關係會停止成長。

Photo from roxannetong ＠ ig

＃4 失望與幻滅

熱戀期時，雙方必定對關係感到非常樂觀，總係好相信對方而全力支持彼此，即使有錯都會好快原諒大家。但隨住激情褪去，你會發現生活上有好多小事都難以忍受，比如係對方食煙、購物狂....以往嘅失望，會令你嘅信用卡負債累累，耐心逐漸消磨，失望同幻滅接踵而來，不知不覺就「淡了」。

Text：TopBeauty Editorial

Photo source：Pinterest