負心男出沒注意！5個男人面相花心易出軌，臉型方性慾強，鼻頭多肉好色

正所謂「十個男人九個滾，剩返一個仲諗緊」，一個生理能力正常嘅男人面對住年輕貌美女士嘅誘惑，試問有邊個會抵擋得住！天下間有邊個女人願意將下半生交託俾一個用下半身思考嘅男人？阿媽由細到大都叫我地要「帶眼識人」，到呢一刻終於領悟到呢句說話嘅真理，就算幾風度翩翩、官仔骨骨、博學多才，都有機會係一個見異思遷嘅世紀大賤男！各位姊妹們識人前可以參考一下賤男面相特徵，唔好令自己後悔一生呀！

Photo from ig @ andyhuichion

1.顴骨橫突控制慾強

一個人嘅顴骨代表控制慾同權力慾望，如果一個男人顴骨高有肉，代表有上進心，做事有擔當，但當顴骨無肉且橫突，代表自尊心強，敢作敢為，而且唔認輸，占有慾強！呢種男人係愛情上好難得到滿足，會不時出去沾花惹草尋求滿足感，而且會不擇手段達到自己嘅目的！

Photo from ig @ andyhuichion

2.臉型方性慾強

臉型寬嘅方面男有更強嘅雄性激素，性慾會比長臉人高！而且好易受性慾影響理智，做出不符合道德行為，如果臉上無肉而且骨突出，為人會比窗橫蠻固執，正一「有佢講無人講」！

Photo from ig @ _lin_dan

3.嘴唇厚而長會口甜舌滑

男人嘴唇又長又厚，嘴角向上揚而且唇山分明，就係典型嘅「桃花嘴」，呢種人「把口浪過油」，會用語言關心異性，令對方產生倚靠感，而呢類男性通常都係有經歷能力或者有才華，身邊會有一大堆擋不住嘅狂蜂浪蝶，唔愁冇女性埋身～

Photo from Pinterest

4.鼻頭多肉很好色

鼻除咗代表一個男人經濟同事業運，其實都可以反映生理需要，鼻哥愈大嗰方面就愈有需求～鼻大有肉嘅男生一般事業有成、有權有勢，亦都有可能因為呢個原因，身邊特別多女人埋身，但迷戀女色嘅佢地又點會抗拒呀～

Photo from weibo @ 成龍

5.眼尾凹陷愛結交異性

有人話眼尾凹陷嘅人會較易離婚，原因係肝臟及小腦先天發育不良，影響一個人嘅EQ，另一半通常都會好大壓力，而且太陽穴係面相中為「夫妻宮」，凹陷嘅人會容易結交異性，而且係當事業有成後先容易出軌！

Photo from ig @ andyhuichion

世間上咩人都有，女人係結識另一半前除咗可以參考面相學，最緊要都係真心同另一半相處，了解對方所有喜好，千祈唔好一時心動而誤入歧途！各位姊妹為咗自己幸福要加油啊～！

Text：TopBeauty Editorial

Photo source：Pinterest、Instagram、weibo