如何得知枕邊人早已跟「姣精」搭上，免得蒙在鼓裡～安心事件分析，4大偷情者行為特徵！

By Maggie on 17 Apr 2019

Digital Editor

全城討論安心偷食事件！各自有另一半嘅「世紀級姣精」黃心穎同「老鼠安」許志安偷偷搭上對方，於車上上演一場震撼全香港人腦袋嘅激吻戰！睇到人人喊打！人神共憤！仲話好替馬國明、鄭秀文唔抵！大家之所以會睇到咁氣憤，可能係身同感受曾被愛人背叛，或一時腦補假設自己就係正印角色，兼且被朋友出賣偷食自己枕邊人。唔想自己真的成為身受其害一份子，深愛過後或結婚後先知對方原來有偷食依個習慣。依家為大家講解另一半偷食時有咩行為特徵，好讓妳不會一直蒙在鼓裡，及早離開狗男女！

1.提防身方邊曾有出軌或曾當小三嘅朋友

安心事件之所以鬧得熱烘烘，除左「世紀級姣精」黃心穎偷搭人夫外，另一個令人不能釋懷嘅原因係除左搶人老公，更跟正印Sammi成為了朋友，不但於Sammi社交平台上留言又一同合照，心寒得令人恐怖！有鑒於此，女生一定要提防身方邊曾有出軌或曾當小三嘅朋友，介紹男朋友俾對方認識一事最好可免則免！另外，安心事件一出，網上大部分聲音都話「世紀級姣精」黃心穎平日有集郵習慣，喺ig唔難見到佢同大量男星影嘅合照，相反跟女星合照就寥寥可數。所以即使未能透過深入交流相處而得知對方係個點樣嘅人，不妨由社交平台入手！

Photo from ig @ sammi_chengsauman

2.跟另一半朋友混熟得比他本人還要熟

安心事件另一個令人側目位係偷食男女身邊朋友疑似知情。片中所見，有朋友在旁都有曖昧行為，朋友卻見慣不怪。令一眾網民懷疑身邊朋友一早知情。Sammi同偷食男一起了28年，理當同佢身邊朋友有所認識，但「世紀級姣精」ig有更多同「老鼠安」朋友合照，相反Sammi一張都沒有。點解無朋友告知此事呢？可能知情人士都本著一顆唔想多事嘅心，但更大可能係Sammi同偷食男朋友相熟程度比唔上男方。如果交心程度可以高過男方，朋友大多會出於好意未必明示都會暗示妳知，妳枕邊人出軌呀！