幸福陸永娶了個願意和他在車上食飯盒的女人~老婆勤儉持家,女女可愛乖巧!

幸福陸永娶了個願意和他在車上食飯盒的女人~老婆勤儉持家,女女可愛乖巧!

Hot Topics Relationship
By Maggie on 18 Apr 2019
Digital Editor

一對夫妻相處耐了,好自然就少了份激情,生活過於平淡又會了無生趣,所以好多時都好睇兩公婆會唔會主動喺日常生活中作出行動,為平淡嘅生活加一點情趣!陸永同太太雖然唔算圈中高調夫妻,但太太會於自己個人ig透露老公俾佢嘅甜蜜愛彈,加上發佈兩個可愛女女生活照,令旁人感受到佢地一家嘅溫馨!

 

 

身為娛樂圈公眾人物,私生活好容易就被人攞出來講,就算陸永太太唔係娛樂圈人都會牽涉其中。仲記得陸永結婚後,被網友爆出太太年輕時嘅夜蒲照,被指私生活唔檢點。報道一出之後,陸永馬上護妻回應:太太以前有出去玩,我同佢都會有過去,但始終係婚前發生,太太一早同我講過佢以前出去玩嘅嘢!同時又再反問記者啲相影得好唔好。可見真的愛上一個人係會互相坦白,同時接受對方過去。

Photo from ig @ missussix

Photo from ig @ missussix

 

除左感情好,依兩公婆仲好有情趣。就好似上年太太生日時,陸永為太太搞咗個生日會,仲送咗束玫瑰花俾佢。陸永咁錫太太可能係因為平日佢勤儉持家!陸永曾於ig上大讚老婆係一個願意同佢喺車上食飯盒嘅女人,意指老婆係一個願意同佢捱嘅女人。而且持家有道,收工後又不怕辛苦煮飯俾女女同佢食,有時仲會半夜揸車接陸永收工!唔怪得之咁錫太太!

Photo from ig @ 6wing_fama

 

兩口子會過得如此幸福快樂,有部分功勞都屬於兩個可愛女女。兩個女女個有不同性格,細女sim sim鬼馬搞笑,而大女hannah乖巧溫馴,好快就吸納咗一班粉絲!

Photo from ig @ missussix

Photo from ig @ missussix

陸永周不時除咗於網上分享同老婆嘅互動外,都會分享同女女嘅有趣點滴。有次老婆去咗旅行,大女hannah學校有聖誕派對,媽媽唔係到無人幫hannah整食物攞返學,但hannah又怕陸永整啲唔好食嘅食物令全部小朋友失望,於是陸永就同hannah去小食店買一大盤燒賣魚蛋,十分搞笑!仲有一次陸永同兩個女大玩跳舞機,動作婀娜多姿,網民笑爆!

Photo from ig @ 6wing_fama

Photo from ig @ 6wing_fama

 

佢地一家都好討網民歡心,網民更可以話係睇住sim sim 同hannah長大,希望佢地一家繼續過住幸福快樂生活!多啲分享生活照俾我地睇!

Photo from ig @ missussix

Photo from ig @ 6wing_fama

 

Text:TopBeauty Editorial

Photo source:Instagram

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK