「不要委曲求全的愛！」32歲張雨綺的霸氣愛情觀，果斷與前夫劃清界線～

內地女星張雨綺19歲出道，最為人熟悉嘅作品係佢嘅處女作《長江七號》，佢喺入面擔當女主角，2012年離開星輝公司，成立張雨綺工作室，事業雖然順境，不過愛情就唔太順利，早前更宣佈離婚。

Photo from 張雨綺@Weibo

張雨綺只有32歲，但已經有過兩段婚姻，2011年，同內地著名導演王全安結婚，佢地係喺之前王全安執導嘅電影《白鹿原》合作時候認識，之後就火速結婚，兩人結婚嘅時候王導已經46歲，年紀相差21年～

Photo from 張雨綺@Weibo

不過二人婚後不時傳出婚變嘅傳聞，除咗喺生育問題上有分歧之外，2014年王全安仲被公安搗破喺自己嘅工作室入面進行性交易，更指佢一個月入面嫖妓三次，仲玩埋3P。

Photo from 張雨綺@Weibo

當時張雨綺身在外地，喺微博發聲明支持老公，表示會「共同承擔」，不過事件發生後一年後佢地宣佈離婚。

Photo from 張雨綺@Weibo

張雨綺2016年再婚，而對象係年輕富豪袁巴元，不過早前，有消息指袁巴元向公安稱自己同張雨綺因為家庭瑣事起爭執，仲發生肢體衝突，過程入面張雨綺用水果刀將男方嘅背部劃傷，事件暫時被列為家庭糾紛調解處理。

Photo from 張雨綺@Weibo

張雨綺仲曾經自嘲：「我看男人的眼光確實不成」，不過亦因為佢兩次離婚都無拖拖拉拉，反而被網民讚賞其率直同灑脫嘅處事手法～張雨綺嘅第一段婚姻係25歲，但佢建議姊妹要多付出：「25歲之前請你們勇敢去嘗試努力付出吧，在這個年齡段就多談一些戀愛就好了。」

Photo from 張雨綺@Weibo

「女生其實對男生的安全感是甚麼？就是愛，安全感對一個女生來說就像一個武器一樣，它是一直保護自己狀態，你愛我的時候我會把這個武器交給你，從此之後由你來保護我。」女人喺一段關係中都需要安全感：「首先安全感是甚麼？男生對女生安全感是甚麼？我給你建造了一個房子，你在裡面好好的安穩的生活。」

Photo from 張雨綺@Weibo

世上無話無咗邊個唔得，而張雨綺就話：「我是主動解決的那個人，因為我不想浪費時間，我知道這個時間一旦浪費過去，兩個人的性質可能就變了。我的底線是我又不怕失去你。」

Photo from 張雨綺@Weibo

對於張雨綺離婚一事，有人就叫佢唔好忘記自己嘅身份，唔但止係一位妻子，仲係一對龍鳳胎嘅媽媽，係唔係應該要為孩子考慮一下，不過張雨綺覺得：「委屈求全是換不來幸福的。」

Photo from 張雨綺@Weibo

Text：Girlslike Editorial

Photo Source：Weibo