6個相處小細節，男友都細膩的做好了嗎？生命中的Mr. Right 或許就是他！

天下怨偶何其多～談及分手的原因，總會有千千萬萬個理由，但歸根歸根究底，就是「不愛了～」唔想發展到愛情出現異心，熱情減退嘅一日，或者你需要嘅係肯定自己嘅決心，以及清楚你身邊是否一個又好又值得交往嘅男人。

Photo from from Pinterest

熱戀中嘅男女總會向對方呈現自己最美好的一面，把缺點都隱藏了，到底對方係只願享受愛情甜蜜不願意為關係付出嘅渣男，定係有遠見，有跟你一起計劃未來嘅心嘅男仔，透過以下6個相處小細節，你必定能略知一二～對愛情沒信心嘅女生，或許生命中嘅Mr. Right 就是他！

Photo from from Pinterest

#1 同佢相處時特別自然

昔日幼稚嘅自己，曾經以為伴侶可以「搶回來」或者牢牢限制住對方，對方就無路可走。令自己同別人傷痕纍纍嘅日子終於過去，你明白一段關係唯有無分你我，不計較得失，才是最自然，最坦然嘅愛。無多餘小動作，不勾心鬥角引起競爭感，就是一直自然地陪住大家走過一個又一個關口。

Photo from from Pinterest

#2 每天一有空閒時間就會打電話畀你

即使生活忙碌，好難無時無刻跟你what’s app傾計，但一有時間，佢都總係毫不猶豫打電話畀你，跟你聊聊彼此日常發生嘅瑣事～縱然每日如是，內容都是家常便飯，但就令你安心又幸福，成為你每日期待嘅一刻。

Photo from from Pinterest

＃3 面對意見不合，從不放棄溝通

每個人都有自己嘅情緒，當情緒突然來襲，佢都願意聆聽你嘅意氣之話、無理取鬧、又會耐心安撫你焦躁不安嘅情緒。即使跟你吵得面紅耳赤，佢都會作出讓步，了解你想法，並提出解決問題方法。你有時甚至會自慚形穢，怎麼自己好似比他幼稚，但這大概就是女生得到幸福的開端了～

Photo from from Pinterest

＃4 沒有把「我愛你」放於口唇邊，而是一直表現得「我真的很愛你」

一句我愛你，令佢感覺難以啟齒，雖然你鮮有聽到佢同你講「我愛你」、「I love you」，但你就感受到佢默默地關懷你，為呢段關係不停付出，有實際行動是愛情能一直維繫嘅要訣。

Photo from from Pinterest

＃5 沉默時也很自在

相識日子愈長，你哋會對彼此更加了解，一個動作、一個口頭禪，屬於只有你哋二人先會聽得明白嘅術語，就打通了你哋嘅交流～你同佢之間嘅沉默唔代表缺少話題，或者因為覺得尷尬而刻意搵話題～關於沉默，就係你哋之間信任嘅語言。

Photo from from Pinterest

＃6 佢係你嘅「忠實粉絲」

嫌1-5項嘅細節太虛無飄渺？唔緊要！有個超簡單嘅方法，就可以判斷佢係咪Mr. Right～一個好嘅伴侶，係會循循善誘令你變得更進步。每一次你要有落決定時，佢除咗會支持你嘅決定，更會給予你中肯意見，那怕係令你難過嘅中肯意見～忠言逆耳就係佢為你好嘅最佳證明，成為彼此嘅成長伴侶吧～

Text：TopBeauty Editorial

Photo Source：Pinterest