情侶「7年之癢」說法已過時！研究：第4年已經到達危險期，最易出現分手或出軌危機

不論係情侶或夫婦關係，好多時都會講小心「七年之癢」，好不容易走到第七年，雖然經歷唔少風浪，但感情會回歸平淡，甚至係分手或出軌嘅高危時期，如果捱過七年呢個關口就可能長相廝守。但呢個說法可能要打破了！有研究指出七年並唔係第一個危險期，其實第四年先係感情最危險嘅關口！

Photo from ig @ hungcl

現實可能比想像更殘酷！美國羅格斯大學有研究發現，原來第四年係最易觸發分手或離婚危機！研究發現雖然人們平均婚姻年數為七年，但好多夫婦到第四年感情會轉淡，選擇第四年就離婚！

Photo from ig @ roxannetong

研究以歷史及生物學解釋，哺乳類動物唔會永遠同伴侶一齊生活，大約係第四年完成了生育及養育嘅責任就會出去獨自生活，或者出去尋找其他伴侶繁殖下一代！學者指出人類可能會有同樣行為，呢個係人類增加其後代遺傳多樣性嘅行為～男人以後出軌又會有多一個理由為自己辯護了～

Photo from ig @ carlosbb

學者指出現代人對婚姻觀念相比起上一代人已經有好大變化，婚姻已經唔係一份契約或者係一輩子嘅承諾，分手和離婚亦變得相對隨意～當人已經唔重視一對關係嘅時候，分開也會變得容易。

Photo from ig @ yuenkaka

而心理專家Larry A. Kurdek亦作出一項研究，調查500多對夫婦，結果發現戀愛關係中的第四年最易出現感情危機，而第七年才是第二個關口！

Photo from ig @ jacquelinebwong

覺得四年已經好快？另有研究指出其實只要一年，男人就已經有出軌傾向了！英國伍斯特大學研究指出男性係結婚一年後睪丸素會開始下降，使男性會覺得失去新鮮感，繼而產生出軌念頭！當然唔一定係男性先會出軌，女性都有機會的，只不過「失去新鮮感」為出軌理由也實在太荒謬了吧！

Photo from ig @ yuenkaka

其實無論四年定七年都只係一個數字，一段關係唔應該以數字衡量，坦承和另一半相處，和對方享受每個時刻才是正確～！

Text：TopBeauty Editorial

Source：New York Times 、edge

Photo source：Instagram