收復身邊男士的戰術！4個行為令男生翻白眼，想増加愛情火花就絕不要犯禁忌！

Love Relationship

By Michelle on 18 Apr 2019

Digital Editor

單身女生一定成日有個疑問，點解有啲女仔生長相普普通通，但呢款鄰家女孩身邊卻總係有一堆男人圍住佢，而你卻一直無法進入一段穩定嘅感情。如果想男人對你好感度飆升，今日就一於自我檢閱一番，以下4件事就唔好再犯喇～

＃1 外表不重要？是假的。

男人成日把口話外表唔重要，雖然把口係咁講，但內心始終偷偷地替女人外表打分數，呢樣就係第一印象嘅重要性。即使你唔係天生美女，就要靠後天花多啲小心機令自己變得更有品味，成為質感美女吧～

Photo from vivianhsu.ironv @ ig

＃2 朋友圈細

如果你嘅朋友圈好細，只得剩下同事、認識多年嘅好朋友、舊同學，即使你條件再優秀，都會大大減低發展新戀情嘅可能性。如果閣下唔喜歡網上交友，性格又被動，試問又點會有男人願意靠近你呢～

Photo from ghlchan @ ig

＃3 唔明白欲擒故縱嘅小機心

但兩個人關係去到「友達以上，戀人未滿」時﹐好多人都會用欲擒故縱嘅小把戲，主要係想試下到底對方對你有幾在乎。做女生就要識得令男方捉摸唔到你諗法，先可以產生一種進一步發展、維持激情嘅諗法，直白一啲就係「吊住對方胃口」女神收兵你估一味靠顏值？或者當中有些小細節你一直都忽略了～

Photo from aliaime @ ig

＃4 比男人更man不等如你係堅強好女仔

男人於追求階段願意為女生付出，甚至可以話係有求必應，其實講到底都係自尊心作怪～前提係你有一個溫柔嘅女兒身。10個有9個男人都怕比自己仲man嘅女人，如果言行舉止都都走豪邁派，講笑話時甚至比男人更開放，你都要有心理準備你只會成為哥兒們稱兄道弟嘅「巴打」，女仔人家有時候軟弱一下，楚楚可憐一下都是必須的～