陳小春求婚片段公開！小春跪地全程泣不成聲，感動上萬網民：「隔著屏幕也看得出春哥滿溢的真心！」

陳小春同應采兒呢一對夫婦出名甜蜜，最近出演嘅《妻子的浪漫旅行》，已經來到最後一集，今集節目組就取得9年前年陳小春向應采兒求婚嘅片段，片入面一向粗粗魯魯嘅小春，竟然喺求婚嘅時候泣不成聲，呢段求婚片段令上萬網民都大喊感動：「隔著屏幕也看得出春哥滿溢的真心！」

Photo from 芒果TV

最新嘅預告片入面，陳小春同應采兒一齊坐喺螢幕前睇番9年前嘅求婚片段，片段原本係播緊兩人小時候嘅照片，但鏡頭一轉就出現身穿黑衣服嘅陳小春雙膝跪地，而應采兒就驚訝到用手摀住個嘴望住小春～

Photo from 芒果TV

原來當時小春邀請咗成班朋友來見證呢個重要時刻，仲包括埋應采兒嘅爸爸、媽媽！片入面 小春跪喺地到，手上面拎住戒指盒，丁爸同丁媽就喺後面話：「想哭啦！這麼高興的事情，再不講我幫你講啦～」

Photo from 芒果TV

鏡頭入面可以見到小春想喊嘅表情，旁邊朋友仲話：「喂！阿陳，唔好喊喎！」、「要喊就喊出嚟，我地唔會笑你嘅！」、「你想講國語、英文定係廣東話？」仲有網民話聽到鄭伊健話：「試吓隻戒指啱唔啱先啦～」

Photo from 芒果TV

最後小春哥都係忍唔住流下男兒淚，一邊喊一邊話：「你知道我在講甚麼（國語）你知道我講咩，係囉⋯⋯嫁比我⋯⋯」平時眇落大男人又豪爽嘅小春，喺心愛嘅女人面前真係成個小朋友一樣～

Photo from 芒果TV

然後應采兒就上前錫咗佢一啖，小春睇完片短，就牽起應采兒嘅手話：「9年過去，幸好身邊還是你」～

Photo from 芒果TV

應采兒接住回應：「就這樣被騙掉了」不過佢邊落淚邊講可見自己都好感動～事後佢仲係微博話：「時隔多年，我比求婚當天哭得還要慘」

Photo from 芒果TV

小春仲話：「我曾經說過一句話，『要麼不要結婚，要麼就絕對絕對絕對絕對不要離婚』婚姻這個事情不是用玩的，你必須要堅持下去～」估唔到小春求婚，喊得比丁丁仲要慘，大家都可以感受到佢有幾渴望娶丁丁做老婆～而呢段短片感動上萬網民：「春哥不善語言表達，但是內心很柔軟」、「比起一堆對白語言的，這樣格外感人」一個如此不擅辭令嘅男人，對心愛女人講出「嫁比我」嘅一刻，真係令人都感動得不禁流淚～

Photo from 芒果TV

Text：Girlslike Editorial

Photo Source：芒果TV