夫妻相有科學根據～伴侶外貌相似度跟親密程度有關聯，原來愈幸福會愈似樣！

有無發覺拍拖一段時間後，你同男朋友長相變得愈來愈相似？其實「夫妻相」係有科學根據架～當你發現自己跟男朋友愈嚟愈似樣時，唔需要懷疑，係真有其事架！而且呢個現象仲反映你同情人嘅關係親密度㖭！

Photo from q_gill @ ig

Wharton教授Jonah Berger指出伴侶趨向搵同自己外貌至少有少許相似嘅人結婚～認真諗下，身邊嘅人有無呢啲例子，甚至你自己同男朋友本身又有無相似？有一篇刊登喺’Motivation and Emotion’嘅研究指出，情侶見面時間愈多，佢地就會開始愈似樣～呢一個外貌上嘅變化係歸因於伴侶潛意識互相模仿彼此嘅面部表情嚟表達自己嘅情緒同感受！

Photo from ckw720 @ ig

而呢一個現像喺已婚夫婦間更為常見，因為雙方會花大量時間去觀察同聆聽對方，所以佢地唔只係會分享居住空間同食物，仲會分享埋情緒，會一齊笑，一齊喊，甚至會一齊嬲～經過長時間相處，會令到伴侶嘅面容有同對方相似嘅細微痕跡。另外，Berger更指出隨時間同伴侶變得更似樣嘅夫婦對婚姻有更高滿意度，而情感模仿通常係來自於「同情」，所以對一段關係發展有好大幫助～

Photo from chanjason_ ＠ ig

美國社會心理學家Rpbert Zanjonc做咗一項研究—觀察多對夫妻，研究佢哋25年前後外貌對比，結果發現即使佢哋結婚時完全唔似樣，但經過25年嘅婚姻生活相似程度會增加，更驚現相似度跟二人婚姻生活幸福度成正比呢～

Photo from lawhimmm ＠ ig

有無發現，跟日見夜見嘅好姐妹有時連經期都幾乎一樣，因為一個人嘅生活習慣會影響自身免疫系統，當你跟男朋友長久以來一齊生活，起居飲食都相似，就會令到雙方嘅免疫系統都變得相似，所以有時女朋友病，男朋友都會跟住一齊病呢～

Text：TopBeauty Editorial

Photo source：instagram