用努力得來的報答身後的老婆！姜皓文成功卻不忘本，與妻走過20年：爭執少不免但別說傷人的話～

By Aisa on 23 Apr 2019

一個追逐夢想的女生，深信未來是屬於相信心中美夢的人。

黑仔姜皓文喺圈中出名認真努力嘅演員，入行多年由一開始做臨時演員，到今日參與過唔少好作品，就好似《樹大招風》、《拆彈專家》等，今次喺電影《翠絲》入面佢更有好大嘅突破，現實中姜皓文都曾經因同老婆有爭執，而鬧上新聞，不過有別於戲裡嘅角色，經過改善後，佢宜家係一個好有責任感嘅好老公～

Photo from black_gorgor @Instagram

姜皓文同老婆殷寧結婚將近20年，兩人都係性格火爆嘅人，老婆亦都試過鬧交鬧到離家出走，不過經過磨合同改變，佢地最終都搵到屬於兩人嘅相處方式～

Photo from black_gorgor @Instagram

喺今屆香港金像獎上，黑仔雖然失落獎項，但卻有老婆喺背後為佢默默打氣，佢早已經係老婆心中嘅大贏家～黑仔鐘意同愛妻分享每一個時刻，所以好多典禮上佢都堅持攜眷出席，今次嘅金像獎都唔例外，兩人手牽手踏上紅地氈，面露燦爛笑容，畫面非常甜蜜～

Photo from black_gorgor @Instagram

愛情係兩個人嘅付出，殷寧為咗可以比黑仔放心追夢，會將家中大大小小嘅事情都處理妥當，平時亦好節儉，唔會亂買野～而黑仔當然都知道老婆嘅付出，隨住事業開始有成就，佢喺檳城購入5千呎豪宅，送贈老婆作為結婚周年禮物，又送整套鑽石紅寶石首飾比老婆做生日禮物，禮物固然貴重，但佢嘅心意比禮物更貴，用自己努力得來嘅財富報答一直以來喺背後為自己默默付出嘅老婆，成功卻唔會忘本，呢翻心意實在難得～