女人就是要愈活愈成熟；愈成熟愈吸引～30歲前要培養好的8個心境，年少輕狂後就要開展新一頁光彩人生～

By Michelle on 05 Nov 2018

Digital Editor

20幾歲，屬人生蜜月期。初出茅廬，世界就好似為自己而轉一樣，人地會包容你嘅過失、你嘅大意失誤喺人地眼中喺「大頭蝦」。過咗呢個階段，容許你犯錯嘅範圍、機會愈嚟愈少，做錯事就變成「咁大個人都一舊飯咁」。所以你慢慢知道，年少輕狂嘅日子過去了喇～年少多好都唔代表中女注定慘淡，好好培養以下8個心態，30+嘅你先會活出更燦爛嘅一頁！

Photo from from Pinterest

1. 多了解自己

了解自己諗法好重要～後生女?陣可能只係識得不停付出，或者當個世界圍住自己轉—要人地為自己賣命。你可能完全無諗過自己願唔願意、或者應唔應該咁對待自己同身邊人。30歲大關，一定要搞清楚自己需要咩，接受自己有弱點，同時肯定自己嘅強頂，好好利用過人之處做自己最擅長嘅事。記住，30+未至於年華老去要嘆息，但確實無多餘青春比你走冤枉路喇～好好了解自己，腳踏實地規劃將來吧。

Photo from from Pinterest

2. 搵一個令自己成長嘅伴侶

唔係指搵一個會傷害你，令你「一夜長大」、「一夜白髮」嘅伴侶。如無意外，30歲嘅對象已經係談婚論嫁，會共對下半世～人心偏偏多變，所以佢必須具備願意去了解你嘅耐性，大家先可以互相依靠對埋下半世。與其搵一個令你遍體鱗傷，最後從佢身上學識殘忍道理嘅對象，倒不如搵一個識得同你溝通、互相學習、陪伴成長到老嘅伴侶。

Photo from from Pinterest

3. 錫自己多啲

成世人流流長，你總會擔當唔同角色，而唔同人對你又有唔同嘅寄望。所以，唔好太介意人地嘅目光，更加唔好成為人地嘅附屬品，好多人都只不過喺成長路上嘅過客。唔好依賴要由人地去比愛你，認真去愛錫自己，你先會值得被愛。

Photo from from Pinterest

4. 失敗咗？so what？！

你以為人生喺有得「溫習」，溫好書就會100分？不！你已經明白好多路都唔容易行。一下子跑去終點就代表成功在望？不！下一個難關都等緊你。失意嗰陣，唔好做怨婦，話比自己聽傷心一陣就夠喇，快啲調節好心情，準備面臨更多難關啦。

Photo from from Pinterest

5. 唔好做刺蝟

帶刺嘅玫塊，幾靚都好，一樣會吉傷人，孤芳自賞只會令你少咗幾面可以自我反省嘅鏡。做女人做到人見人怕咁討厭，何必呢？要保護自己，其實唔需要做刺蝟架，警覺性太高會令你精神緊張；講嘢太mean令人對你反感。雖然機心女、背後放暗箭嘅人一街都喺，所以用你嘅智慧去帶眼識人～對面你信任嘅朋友、親人，就無必要帶住面具做人。每人都有軟弱嘅一面，我哋應該學習去體諒其他人，同時我哋都值得被體諒，24小時鐵娘子上身只會令你同身邊人多咗隔膜呢～

Photo from from Pinterest

6.慎言

做大喇叭，將人地嘅秘密當人情賣固然喺衰女。同樣，面對朋友、伴侶，有啲說話講咗出嚟就履水難收。唔好當人哋喺垃圾站，要100％接受哂你無營養嘅說話。

Photo from from Pinterest

7. 珍惜眼前人

「來年陌生的是昨日最親的某某」，成長路上難免有人跟自己愈走愈遠，種種遺憾令你後悔，甚至一直都放唔低嗰段美好嘅回憶。唔好開口埋口都講「舊屎」喇，活在當下啦！要記住當下做得唔好，他朝就會成為你另一個遺憾。一路上，有幾個肯陪你走落去嘅人其實喺件幸福事～記住，朋友幾忙都要見；日頭幾忙夜晚都要番屋企飲啖湯，向兩老送上及時嘅關懷。

Photo from from Pinterest