身邊一定要有個男閨蜜!男閨蜜比男朋友好的5大好處,遇到那個「他」要珍惜~
邊個話男女之間唔可以有純友誼?男女之間唔一定只存在愛情關係,也可以成為朋友,甚至成為最親密、最無所不談的「閨蜜」!身邊有個男閨蜜簡直係上天賜嘅福分,能夠完全拋開性別隔膜成為密友,比女性朋友來得珍貴,甚至比男朋友嘅存在更為重要!以下5個男閨蜜嘅好處,如果身邊有那個「他」請不要放手~
Photo from ig @ nwuuu
1.完全沒機心,可以分享所有事情
女人天性本來就比較容易互相比較、互相猜疑,但同男閨蜜一齊就完全冇呢啲問題,因為本來性別唔同冇嘢可以比較,而且可以盡訴心中情,無論係另一半嘅壞話、最「瘀皮」嘅事情等咩都可以講,性格比較男性嘅「女漢子」更加可以搵到同自己性格相似嘅朋友,相處都自在啲!
Photo from ig @ wongtsuiyu
2.可以完全做回自己
男閨蜜不同男朋友,係閨蜜面前唔駛擔心暴露自己嘅醜態,因為大家太親密,幾乎所有醜態都看過~而且閨蜜清楚你為人,唔會因為你發脾氣、說話大聲、恐怖食相而嚇走,係男閨蜜面前可以完全做回自己,最放鬆自在~
Photo from ig @ kangwongcai
3.性格細心、不易發脾氣
能夠成為男閨蜜通常都會心思細膩、脾氣溫和、溫柔體貼,有時比一個真女人更女人(笑)好多時唔駛講出口,望一望你表情已經知你想點,加上唔怕一個月易發脾氣嘅幾日,因為男閨蜜係絕對唔會係你面前動真脾氣,即使你忍唔住控制自己情緒,佢都會像垃圾桶一樣全部吞下去,然後當沒事發生過一樣~
Photo from ig @ imqingfeng
4.成為專屬聽眾,不易漏口風
男閨蜜係你悲傷難過嘅時候會隨傳隨到,讓你有個強壯嘅肩膊依靠,更加會成為你專屬聽眾,不厭其煩聽你怨,無論感情上、工作上嘅怨氣都總會有個人當你聆聽者~最重要係男閨蜜不易漏口風,言談間唔駛注意內容,想到就可能立即說~而且可以幫忙從男性角度分析問題,令你唔會永遠沉醉係女性思想中~
Photo from weibo @ 鄭元暢
5.不用搞瞹昧,不用怕分手
男閨蜜係一個特別嘅存在,係佢面前完全冇關於愛和性嘅幻想,相處雖然平淡沒有刺激感,但就好似家人嘅存在,唔需要擔心會有分開嘅一日,更加不用猜測對方心意搞到心累~係佢面前就像回到家一樣舒服,就算你有新戀情佔佔疏離佢,但佢仍然會默默地係背後支持和祝福你,成為你最強大嘅後盾~!
Photo from weibo @ 鄭元暢
你身邊又有冇一個男閨蜜呢?如果有真係比任何關係來得珍貴,要好好珍惜呢段緣份啊~
Text:TopBeauty Editorial
Photo source:Weibo、Instagram