Adele面對婚姻失敗未感灰心～糾纏於一段關係只會浪費時間及精神，決心離開成女生榜樣！

By Maggie on 24 Apr 2019

Digital Editor

自從私生活一向都低調處理嘅英國巨肺天后Adele透過經理人公司向外界宣布，要同一齊了8年嘅丈夫Simon Koneck結束2年多婚姻。好多喜愛Adele嘅歌迷都因此好擔心佢。不過其實只要留意佢嘅歌曲歌詞同佢曾經講過嘅金句就知道佢對於愛情嘅睇法。Adele根本就係不怕失敗而且勇於接受挑戰嘅新時代女性！

1.面對今次婚姻失敗無因此灰心，深信下個會更好。

對於今次離婚事件，Adele無多解說詳情，只係話會同前夫共同撫養兒子。但佢同時選擇坦然面對，同外界講期待自己可以再次遇見愛情，就知道佢無因為今次嘅婚姻失敗而唔敢再次期待愛情。佢依個積極嘅態度就好似Someone Like You 其中一句歌詞：Never mind, I'll find someone like you！唔緊要，我一定會搵到個更好嘅人！

Photo from ig @ adele

2.糾纏只會浪費時間同精神，決心離開一段關係。

兩人由邂逅、相遇、相愛、相守嘅過程都得來不易，一切除左講求緣份，更講求二人嘅付出及配合。Adele面對婚姻危機，都同前夫曾經共同尋求解決方法，為大家嘅愛情作出挽救。可惜最後都一致認為緣份到此，把愛成為大家心中寶貴回憶會更好。歌曲Hello曾有一句歌詞：That the both of us are running out of time！我們只係浪費時間。Adele就係知道當愛已經去到唔可以再挽留嘅時候，再糾纏下去都只會浪費自己時間同精神。要決心離開一個心不在嘅人，真係唔係每個女生都做到！

Photo from ig @ adele

3.生命中有更多東西比事業更難能可貴。

外界揣測Adele婚姻弄得如此局面，係因為過於專心事業，而忽略家人。但只有Adele嘅追隨者先知道，佢曾經講過：The bigger that your career gets, the smaller your life gets！事業成就越大，生命裡更有價值嘅東西就會得到更少。可見Adele係個充滿智慧嘅女性，佢知道只要一過於追求事業，就會失去更多比事業更難能可貴嘅東西！