食雞翼方法可以反映性格！食得唔乾淨做人三分鐘熱度，啃光光為人強勢有個性～

如果要選香港人最鍾意食嘅食物，我諗雞翼一定榜上有名！蜜汁雞翼、辣味雞翼、土匪雞翼⋯⋯唔同煮法都各具特色，每次食十零廿隻冇難度呀！日本綜藝節目《マツコの知らない世界》就邀請到日本炸雞協會嘅專家八木宏一郎先生，佢除咗分享食雞翼嘅方法，食過數千萬隻雞翼嘅八木先生更加總結出食雞翼嘅方法可以反映唔同人格，只能說日本人真係「有創意，我鍾意」～

Photo from Pinterest

分別有以下5個方法：吃到一乾二淨、不吃軟骨、把很多肉吃剩、用筷子吃，和不吃翼尖～建議大家可以食住雞翼測試一下自己係邊種食法！（吃貨出動～）

Photo from 《マツコの知らない世界》截圖

1.全部吃光

食雞翼可以將肉同軟骨啃得一乾二淨嘅人為人強勢，而且非常有個性，對自己意見非常有堅持，絕對唔會為他人作出妥協！

Photo from 《マツコの知らない世界》截圖

2.不吃中間的軟骨

雞翼中間都會有軟骨，有人永遠唔食，有人就當佢係寶！八木先生指出唔食軟骨嘅人待人處事通常都好圓滑，在社交上可以同其他人和睦相處，人緣算唔錯～

Photo from 《マツコの知らない世界》截圖

3.吃不乾淨，留下一堆肉

呢種人三分鐘熱度，永遠做事都唔能夠持之以恆，結果好多事情都會失敗告吹！

Photo from 《マツコの知らない世界》截圖

4.永遠用筷子食

有人覺得雞翼要用手食先夠美味，但亦都有人永遠只用筷子食，呢種人通常好介意人地對自己嘅睇法，對於表面行為非常謹慎，雖然小編認為有時只係怕隻手污糟啦～

Photo from 《マツコの知らない世界》截圖

5.不吃雞翼尖

好多人食雞全翼都唔會食埋隻雞尖，以為係因為佢地懶？其實呢類人性格較保守，唔肯跳出comfort zone，唔會做出創新或者大膽嘅事情，更加唔會有冒險精神！

Photo from 《マツコの知らない世界》截圖

八木先生更加係節目中分享兩種雞翼食法，分別係「名古屋式食法」同埋自創嘅「八木式食法」

Photo from 《マツコの知らない世界》截圖

「名古屋式食法」係將雞中翼同雞翼尖撕開，將原隻雞中翼分入口中，吐出兩條骨出來～但呢種方法只適合比較細隻嘅雞翼，同埋炸到骨肉分離嘅雞翼

Photo from 《マツコの知らない世界》截圖

「八木式食法」可以針對唔同大小嘅雞翼，先將雞中翼係中間咬開，食完一邊骨再到另一邊骨，口細嘅女士用呢個方法會比較好～

Photo from 《マツコの知らない世界》截圖

Photo from 《マツコの知らない世界》截圖

日本人真係好認真嘅民族啊～連食隻雞翼都咁講究，小編就覺得其實邊個方法食都好，最緊要隨心所慾、食得滿足就得啦～！

Text：TopBeauty Editorial

Photo source：《マツコの知らない世界》截圖、Pinterest