呂頌賢與太太共患難25年～婚後依然寵妻不斷，情趣好比時下年輕人！

By Maggie on 24 Apr 2019

Digital Editor

近依幾年，好多香港藝人都選擇咗到國內發展，除左可以賺人仔，更重要嘅係國內同香港嘅口味有點不同，於是有部分喺香港藝人返到國內又卻紅遍半邊天。呂頌賢就係其中一個到較早時期已經北上發展嘅藝人例子。有部分較年輕嘅讀者見到依名未必知道係邊個，但只要見到佢個樣就會依稀記得曾經喺電視上見過佢！

早於1994年，呂頌賢因拍攝劇集時，而跟同樣為演員嘅麥景婷相戀。二人識於微時，相知相愛，一直十分甜蜜。即使到了1996年，呂頌賢因於《笑傲江湖》飾演令狐沖一角而一炮而紅，成為中港台無人不知嘅藝人。但佢都無因此而離開星途運較差嘅女友，更展開左長達14年嘅戀愛長跑。

Photo from weibo @ 麥景婷

14年嘅戀愛長跑不但無因為日子耐左而令大家關係變淡，大家嘅感情更變得更鞏固。喺2008年，呂頌賢決定要娶女友成為妻子，佢地低調到連家人都無通知，於關島水晶教堂見證下成為夫妻。彷彿二人眼中除了對方外，其他東西都容不下。

Photo from weibo @ 麥景婷

結婚11年，呂頌賢對太太嘅愛從無熄滅。呂頌賢雖然喺國內工作超繁忙，但一有時間就全日用來同太太拍拖。太太成個微博都係老公蹤影，又周不時同大家分享老公俾佢嘅濃濃愛意！就喺太太生日時，呂頌賢帶太太到外地旅行，而且仲浪漫到喺床上用玫瑰花瓣砌成生日快樂字句，又送上蛋糕！情趣十足！絕對無因結婚耐左就冷落太太嘅意思！

Photo from weibo @ 麥景婷

呂頌賢同太太都同時下年輕人一樣十分重視情人節、聖誕節依啲節日。佢地會專登到外地旅遊慶祝，甚至重返二人16多年前曾到過嘅拍拖聖地，再次進行帛琉船潛之旅，太太並於微博配上caption：給我倆留下了許多許多難忘的美好回憶。而較低調嘅呂頌賢未必會成日大哂二人合照，但卻會透過文字表達對太太嘅愛：情人節快樂啦，我的情人就在海中深處等著我！甜蜜情度爆燈！希望佢地二人一直甜蜜到老！