有哥哥的女生是全世界最幸福！6個有哥哥才懂的好處，男朋友也比不上～

我諗幾乎每個女仔都曾經有一刻好渴望有個哥哥，哥哥嘅存在已經唔止係親人咁簡單，更擔當唔同角色例如貼身保鏢、護花使者、糧尾救星，由細到大萬大事都會有佢係你身邊，每次遇到困難第一時間就會諗起佢！當你睇完以下6個有哥哥嘅好處，相信你都會好感激父母為你生咗個哥哥～

Photo from Pinterest

1.永遠冇「托手踭」

無論出現咩困難，可能係細個功課唔識做，或電子用品壞咗用唔到，哥哥都總會第一時間幫助你～

Photo from Pinterest

2.什麼事情都讓著你

通常父母由細到大都會灌輸「阿哥要讓阿妹」嘅觀念俾小朋友，阿哥又會好似有個責任感，永遠唔會同你爭任何嘢，好食嘅讓俾你食，好玩嘅讓俾你玩，直到大個都係一樣～

Photo from ig @ lesleychianglove

3.任何時候都會挺身而出拯救你

無論哥哥身在何處，只要你遇到任何困難佢都會去拯救你，就算佢個人去唔到，佢都會諗盡辦法叫朋友、或隔空打電話去協助你、安慰你，打到呢度小編鼻子開始酸⋯⋯

Photo from Pinterest

4.經濟上的救世主

即使你哥哥唔係搵得好多，但每次食飯、買嘢佢都會好願意去俾錢，有時手緊想借錢佢都永遠冇say no，而且唔會催促你還，因為佢根本冇諗過你會還！每次呢個時候都覺得佢好man～

Photo from Pinterest

5.可以擊退怪男埋身，遇到奇怪追求可以暫時當男朋友

哥哥會特別緊張圍繞你身邊嘅各位男性，認識任何異性前佢都會問個究竟，好似想起人家底咁～如果遇上唔喜歡嘅追求者，仲可以叫哥哥扮男朋友擊退奇怪男士！有哥哥就永遠有安全～

Photo from Pinterest

6.有哥哥會像多了一個爸爸，永遠當你小妹妹愛錫

哥哥由細睇住你大，無論你幾多歲，係哥哥眼中你都係個需要保護嘅小女孩，有哥哥就好似多咗個爸爸可以依靠，雙重幸福啊～

Photo from Pinterest

哥哥真係有好多用處⋯⋯係好處先啱！真係辛苦哂身邊每一位哥哥，作為妹妹記得要多愛錫哥哥啊～！

Text：TopBeauty Editorial

Photo source：Pinterest