來一次真正屬於你的旅程。獨自旅遊的樂趣，勇敢踏出舒適圈學習與內心對話

By Aisa on 30 Aug 2019

一個追逐夢想的女生，深信未來是屬於相信心中美夢的人。

獨遊似乎已經成為咗新世代年輕人嘅潮流，有唔少人可能會好奇到底獨遊有咩咁吸引，隻身穿梭異地，聽落危險又乏味～但只要試過獨遊嘅人都一定會明白箇中樂趣，確實係結伴旅遊時無法得到嘅體會～

# 認識新朋友深入了解當地文化

有好多人會疑惑，自己一個去旅行難道唔會好悶咩？因為你隻身一人所以路上嘅人通常都會好樂意同你傾計、交流，絕對唔係你想像中咁悶，路上你會遇到好多同樣獨遊嘅人，或者係當地人，並同佢地互相認識，更深入地了解到某地方嘅風土人情，反而不斷遇到唔同種族同性格嘅人，會令你嘅旅程變得更有趣～

Photo from Pinterest

# 用眼睛看世界更珍惜所有

一個人旅行最大嘅好處，一定係你有更多時間同空間去感受～同情人、朋友去旅行，你會將好多時間同心機放喺同佢地交流、玩樂上，或者淨係掛住幫大家影相打卡，好多時候會忽略咗眼前景物嘅美～自己一個去旅行，用眼睛去欣賞每個景象，用心去體會，慢慢明白世界有多美，對生命有另一翻嘅領悟，上一次同朋友去嘅景點，下次不妨試下自己去，你可能就會有新嘅發展～

Photo from Pinterest

# 更自由自在享受旅程

同人一齊去旅行一定無可能跟足自己schedule行事，就算唔係一啲自己想去嘅景點，都要捱義氣陪朋友去，正因為大家嘅喜好唔一樣，各自都有好多想去嘅地方，通常都會搞到行程密密麻麻，最後每個景點都走馬看花，浪費唔少欣賞事件嘅機會～但自己一個旅行，就可以完全有自己掌握行程，想去邊就去邊，想留幾耐就幾耐，自由自在～