誰說分手後不能做朋友！5對好聚好散的藝人情侶，分手後仍可以暢談心底話

By joycecheung on 25 Apr 2019

如果你係街上撞到前度會點樣做？我諗大部分人都會對前度避而遠之，向對方視而不見，甚至當呢個人從來冇係生命中出現過～但邊個話情侶分手就唔可以做朋友？以下5對過氣情侶就係好好嘅例子，證明不能牽著手直到天長地久，也能在彼此身邊當一世朋友～

1.楊千嬅、鄭中基

楊千嬅同鄭中基呢對過去式情侶相信大家都唔會覺得陌生，二人搞笑性格似是天作之合，最後都逃唔過分手嘅命運，雖然已經分開咗20年，二人亦各自有家庭，但仍然繼續做朋友，2017年楊千嬅更加到鄭中基演唱會作嘉賓，以世紀演出全力支持前度，千嬅對呢次演出覺得好感恩：「能夠圓滿別人的快樂和成功是我的福氣」

Photo from weibo @ 楊千嬅

2.王菲和李亞鵬

王菲和李亞鵬共有8年婚姻，育一有女李嫣，離婚5年來雖然一直避談離婚原因，但上年李亞鵬在節目中透露離婚係由王菲提出，感覺自己好失敗，唔可以俾孩子一個完整嘅家。二人離婚後仍然會一齊出席慈善活動，李亞鵬亦視繼女竇靖童視如己出，會帶女兒一起幫竇靖童慶祝生日，離婚後竇靖童亦一直叫李亞鵬做「我爸」，貼心的李亞鵬更被網民譽為「中國好前夫」～

Photo from Pinterest

3.吳君如、杜德偉

吳君如從小和杜德偉青梅竹馬，當年愛他愛得極深，因第三者令吳君如決定和杜德偉分手，分手後傷心慾絕，更消瘦一輪，但君如並冇從此恨對方，更成為一對相識多年嘅老朋友，其後更係電影《金雞SSS》上有合作，呢種緣份真係好難得呀～！

Photo from weibo @ 杜德偉

4.楊丞琳、小鬼

小鬼係楊丞琳初戀男友，相識近20年嘅二人雖然最後做唔成情侶，但卻發展成最親密難得嘅好友，楊丞琳曾經係演唱會上說：「他是唯一一個，從我是路人到我當藝人到現在，一路看著我的人，所以他對我非常非常重要！」二人更不時相約飯局，是同事、前度、更是老友～

Photo from ig @ rainie77

Photo from ig @ aes_alien

5.鄭伊健、黎芷珊

鄭伊健和黎芷珊當年係《430穿梭機》上認識，二人當年仲係二十出頭嘅年輕男女，相戀係好自然嘅事～拍拖3年後因性格不合分手離場，雖然呢段戀情未能夠走到最後，但佢地反而成為熟悉彼此嘅老友，伊健曾經係電視上接受芷珊訪問，毫無顧忌大談當年心中情，二人更係伊健演唱會完結後一齊合照，連鄭伊健老婆蒙嘉慧都有份影埋一份！