梁洛施：「我是曾經選擇過，但不後悔」罕有大談與李澤佳的一段情，直言值得為最愛生孩子，偷食男「不要也算！」

By Michelle on 02 Nov 2018

Digital Editor

Life is short, don't be lazy . Be your own idol to enjoy every moment !

梁洛施（Isabella）為前男友李澤楷生咗三個囝囝後一直養尊處優，息影多年，2015年曾經復出拍攝張艾嘉執導的《念念》，最近就加入Angelababy嘅經理人Kim旗下，更加踏足內地綜藝節目！日前就喺蔡康永、高曉松主持嘅內地綜藝節目《奇葩說5》中，罕有大談自己嘅灰姑娘愛情觀，談及感情事時，Isabella更一度感觸落淚。

Photo from from Weibo

12歲已經出道，梁洛施21歲就跟富豪李澤楷交往，呢對「忘年戀」當年雖然不被看好，但李澤楷大灑過億幫Isabella 跟英皇娛樂解約贖身，又安排Isabella同佢媽咪去美國生活兼進修英文，為佢進軍荷理活人舖路。由一個反叛單親女，飛上枝頭變鳯凰，出入有保鑣侍候，身價升值幾十倍。

Photo from from Sina

當年未婚為李澤楷兩年抱三生咗三個仔，長子李長治，同孖胎李長亨、李長軒。2011年正式跟李澤楷分手，宣布會共同撫養三個小朋友。外界有聲音諷刺Isabella ，生卻不婚係被豪門拋棄，Isabella就一直對感情事守口如瓶。

Photo from from Weibo

已經30歲嘅Isabella日前喺內地綜藝節目《奇葩說5》中，以「我是曾經選擇過，但不後悔的梁洛施」作開場白，直認當年20歲生小朋友太早，但同時認為，若果已經遇到最愛嘅男人，生孩子係值得，Isabella感概謂：「我覺得當你愛一個人，你就盡情投入的去愛。」雖然最終未能跟李澤楷共偕白首，但似乎Isabella確實係深深愛過小小超。

Photo from from Weibo

擁有一個灰姑娘童話故事人生嘅Isabella終於宣布復出，踏入30歲，顯然清減咗唔少。

Photo from from Weibo

出身自單親家庭嘅Isabella，對於伴侶忠誠度都非常重視，被問到「伴侶在婚姻中開小差（偷食），我要不要容忍」，佢堅稱「不容忍！」當聽到同埋有一個男嘉賓覺得偷食係能夠接受時，Isabella即刻直指對方係「壞男人」，令全場拍哂掌！或者係家庭背景，令Isabella對愛情觀有堅定不移嘅道德界線，佢覺得就算對方只係思想上出軌，「這種男人不要也算」，估唔到灰姑娘竟然有一個咁堅定不移嘅愛情觀。

Photo from from Weibo

喺節目完結後接受訪問時，Isabella表示當聽到一眾嘉賓嘅情感世界，有人認為婚姻係成全、成長，即使重新再來，都係會選擇同一個人，只要相信愛情，愛情仍然係美好的，對Isabella嚟講呢啲讀白既敏感又感觸，佢直言「刺了我的心。」30歲，對某啲人嚟講只係人生起步初段，但對於Isabella嚟講，大起大伏就好似經歷過幾世人嘅故事。話雖如此，外表剛強嘅Isabella似乎仍然係一個曾經受傷，但對愛情仍有寄望嘅平凡女生。