星級主持黎芷珊的傳奇人生！出身豪門為賭王侄女，戀上鄭伊健3年，傳曾拒絕星爺追求～單身至今享受豐富人生
相信好多香港人對黎芷珊呢個名字都唔會感到陌生，知道佢做當過兒童節目主持，其後晉身成為星級主持，訪問過唔少天王巨星之餘亦同佢地非常老友～但你又有冇諗過黎芷珊唔單止出身豪門，更多和唔少明星戀愛過，有傳連星爺都曾經追求過！知道佢嘅經歷後一定為佢嘅不平凡感到驚嘆～
Photo from fb @ 黎芷珊
Photo from fb @ 黎芷珊
黎芷珊係澳門出生，有四分之一葡萄牙血統，佢嘅曾祖父黎登係當時澳門唯一嘅公證師，而佢嘅姑母係為人熟悉嘅澳門賭王何鴻燊元配黎婉華，亦即係話黎芷珊係賭王侄女，家底非富則貴～黎芷珊係中學時期已經被一班出身名門嘅同學包圍，與何鴻燊女兒何超蕸為小學兼中學同學，人脈係當其時已經非常之廣～
Photo from fb @ 黎芷珊
令人意想不到嘅係，熱愛音樂嘅黎芷珊曾經係1984年與陳樂敏以及陳慧嫻一齊推出過唱片《少女雜誌》，其後因爲製作公司陷入財政困難，歌唱事業亦遭告吹～於1989年加入TVB藝員訓練班，有機會做兒童節目主持，由《430穿梭機》至《閃電傳真機》一做就做咗9年，離開兒童節目後，黎芷珊開始做時事節目《城市追擊》等採訪主持，再慢慢攀上成為星級主持，至今訪問過唔少天王巨星，更係2012年奪得TVB《最佳主持》殊榮，登上事業高峰～
Photo from 430穿梭機
Photo from fb @ 黎芷珊
黎芷珊嘅戀愛史亦非常之唔簡單～係16歲同年紀相差9年嘅梁家輝相戀，有傳當時梁家輝會去接仲係學生嘅黎芷珊放學～兩人拍拖一年多，最後因年齡差距而分開，但二人亦維持友好關係；亦曾傳出一齊主持《430穿梭機》嘅周星馳曾經向黎芷珊展開追求，最後遭黎芷珊拒絕，但二人仍然係好朋友，星爺亦係節目中接受黎芷珊訪問，二人有講有笑、無所不談～
Photo from 430穿梭機
最經典莫過於黎芷珊同鄭伊健嘅一段情～當年係兒童節目中擦出愛火，其後相戀三年，經常肩並肩拍拖返工～但當時大家太年輕，冇控制好脾氣經常鬧交，以至戀情無疾而終～分手後鄭伊健爆紅成為巨星，係2012年鄭伊健更係電視節目接受黎芷珊嘅世紀訪問，二人並沒有一點尷尬，反而變咗一對熟悉彼此嘅老友，大談往事～
Photo from 430穿梭機
Photo from fb @ 黎芷珊
黎芷珊嘅戀愛史仲未完！黎芷珊曾經係電台訪問更大爆同陳小春發展過一段情！其後更同比佢細12年嘅無線藝員張達倫拍拖，二人相總近9年，但最後還是分手收場，今年53歲嘅黎芷珊仍然享受單身生活～
Photo from fb @ 黎芷珊
Photo from fb @ 黎芷珊
黎芷珊雖然經歷無數次戀情結束，但生活依然過得精彩，因工作於圈中同唔少數一數二嘅巨星成為老友，和張國榮、楊千嬅、陳奕迅有好密切嘅關係，人脈廣得令人驚嘆～！
Photo from fb @ 黎芷珊
Photo from fb @ 黎芷珊
Photo from fb @ 黎芷珊
Photo from fb @ 黎芷珊
雖然出身豪門，但黎芷珊並冇嫁入豪門，反而從普通娛樂記者打滾至星級主持，憑著高智慧和情商闖出一片天～愛情唔能夠佔有黎芷珊嘅人生，黎芷珊係2015年加入商界發展太陽眼鏡事業，女人也要有自己一番事業，創造自己嘅傳奇！
Text：TopBeauty Editorial
Photo source：Pinterest、Facebook
