文字戰很傷感情！情侶要懂的8個吵架時窩心應對法，小吵是福不要為贏交傷了彼此～

By Michelle on 26 Apr 2019

Digital Editor

跟另一半成日爭吵？總覺得嘈完交都火燒心，唔單止又嬲又興，問題又無得以解決，彼此間仲多咗裂痕？唔好等問題繼續發酵，學會8個吵架時窩心應對法，罵戰時都可以盡快重拾溫馨吧～
＃1 feel到對方火氣明顯上升時，盡快收口

眼見對方面色都變埋，就唔好再逞口舌之快了～激嬲對方只會令事情更加難收拾，雖然你自己都谷到一肚氣，但如果為咗贏咗場交，輸咗感情，你話值唔值得呢？唔好再計較誰對誰錯了，感覺得自己都快要失去理智時，停戰吧！

Photo from from Pinterest

＃2 唔好「炒冷飯」

好多女生喜歡「翻舊帳」，介意男朋友種種往事。男朋友上個月已經就錯誤向你賠個不是，但你今個月仍然可以舊事重提，又再「炒冷飯」。無論你有幾介意佢過去嘅錯失，但一直提其實都無辦法改變既定事實。如果你真係介意佢哋過去，於交往前就應該諗清楚自己能否接受佢嘅過去。試下將眼光放前，唔好一直拘泥於無得改變嘅過去。

Photo from from Pinterest

＃3 轉移對方注意力

罵戰一旦開始，就好難停止。但聰明嘅你要學識搵機會轉移視線，將話題帶開。呢個做法並唔係逃避問題，而係為咗避免雙方情緒失控，倒不如諗方法令對方注意其他事情，又可以有時間令大家「過冷河」，好好思考一下再新有目標地討論要解決嘅話題。

Photo from from Pinterest

＃4 有勇氣講「道唔住」

有時的而且確係我哋唔啱，但礙於面子關係，拒絕為自己嘅衝動同魯莽向對方道歉。人愈大，就愈覺得「認錯」係一件好困難嘅事，但如果總係口硬唔識得妥協，對方唔單止會感受唔到你有反省之心，更有可能直認跟你性格唔適合，因此而耽誤咗感情。自知理虧之際，就鼓起勇氣道歉，帶佢去睇一場佢喜歡嘅電影作賠罪吧～

Photo from from Pinterest

＃5 盡快和好，不冷戰

台灣藝人黑人同范范就有一條約定—即使鬧交都要即日和好。小編對呢條愛情保溫秘訣深信不疑，原因好簡單，如果將心事一直積累喺心上，就會慢慢成為心中一道刺，再堅固嘅感情都會因此而磨蝕。

Photo from from Pinterest

＃6 唔好打「文字戰」

千萬唔好睇小文字嘅威力，選擇喺what' s app鬧交係一個非常唔明智嘅做法。因為你會一直睇到令人難過嘅對話紀錄，而且單憑文字，你難以清楚對方表達呢句說話時嘅語氣同表情，即使無「emoji」作配合，但可能並無你想像中咁惡劣，偏偏你就認為對方太嚴肅太過份，所以戰線擴大。為咗避免於鬧交時再產生誤會，面對面嘅溝通比用文字更適合呢。