終於意識到自己成熟了～25歲後離開幼稚妹行列，盡情享受自己是個格調女人吧！

從「半熟不生」嘅青春少艾到步入大人行列，見盡百態，明白了一啲世故，認清好多事實。開始知道後悔有時未必態夠彌補；努力唔代表一定成功，唔努力絕對會被淘汰，又了解何謂「三思而後行」。當你發現自己心態同視野開始變得豁達同擴闊，亦都意味住你已經離開幼稚妹妹行列～姐妹們，盡情享受女人身份，讓歲月帶比你最大方耀眼嘅成熟格調吧～

＃1 情緒—與其發洩，不如釋放

年輕時，只要遇到任何唔如意嘅事，第一時間都會將喜怒哀樂寫哂喺塊面到。你甚至希望周圍嘅人都感受到你唔穩定嘅情緒，要嚇佢地三分。長大後，明白發洩只係無意義嘅行為，你學會沉澱，然後釋放，釋懷情緒成為你最佳良藥。

Photo from selenaleelalee ＠ ig

＃2 成敗—與其逃避，不如接納

有人成功，就必定會有人失敗，長大後會明白成功時，要勝不驕，失敗時，更要有願賭服輸嘅心，而且要變得遇強愈強。做任何事情，除咗要有後備計劃，更要有預計失敗嘅打算。成熟了，面對失敗時都唔應該垂頭喪氣，要明白一山還有一山高，學會欣賞其他人嘅美好吧～

Photo from wong_manman ＠ ig

＃3 壓力—與其感覺負擔，不如視為基石

每個人都有唔同壓力，被訓斥固然係壓力，但被人稱讚都可以係一種無形壓力～唔好視壓力為一種負擔，記得適當嘅壓力係促使我哋前進，令自己更強大成熟嘅踏腳石。有壓力推使嘅情況下，先係最佳狀態嘅自己。

Photo from wongtsuiyu @ ig

＃4 差異—不是不是抱怨，而是同理

人生本來就係唔公平，小時候我哋對「唔一樣」顯得非常執著，人有我都要有，人無我有就更好。長大後，你就會發覺無謂向差異咆哮，有同理心，同時亦有自知之明。世界之大，無奇不有，無謂花時間喺你唔可以改變嘅事上面吧～

Photo from misselvani @ ig

＃5 孤單—有點寂寞，更多是享受

人本來就係群體生物，面對孤單，我哋本能反應係覺得寂寞，甚至會衍生出不安感。你慢慢明白，一群禮尚往來嘅交際應酬往往都係包住糖衣，過於依賴會令你迷失自我。從此你學會一個人獨處，享受擁有自己嘅時間同空間吧～

Photo from wongmanyik @ ig

＃6 照顧—施比受更有福

照顧往往都係單方面付出，從前受著照顧嘅包圍，如今我哋已經變成一個可以給予別人照顧嘅人成年人了。

Text：TopBeauty Editorial

Photo source：Instagram