那些年我們追過的台劇!少女心劇情一世難忘,經典造型填滿青春的回憶~

那些年我們追過的台劇!少女心劇情一世難忘,經典造型填滿青春的回憶~

Lifestyle
Byjoycecheung on 26 Apr 2019

想當年中學時期韓風仲未咁盛行,台灣偶像和劇集風靡一時,成為同學間熱烈討論嘅話題,陪伴唔少人嘅青春!而家回想起來,雖然大部份劇情非常老土,造型亦都無法理解,但當中嘅少女心情節真係令人相當回味,即使係十幾年後嘅今日都可以再睇一次!你話係懷舊派又好,有情意結也好,而家嘅劇集真係好難揾返當年嘅味道~我地一齊回顧下當年流行嘅台劇,你一定總有一套睇過!

Photo from 流星花園

1.流星花園(2001)

流星花園可以話係有記憶以來第一套青春偶像劇!當年F4迷倒一眾少女,更分裂出「道明寺派」、「花澤類派」,富家子戀上窮家女嘅劇情真係令每一位少女有唔少幻想!其中片尾曲《流星雨》更唱到街知巷聞,所有80、90後一定聽過!

Photo from 流星花園

Photo from 流星花園

2.終極一班(2005)

終極一班係講述一班高中生每日打架、唔讀書、但充滿正義感、團結起來嘅故事,內容非常熱血,呢部劇集亦都令飛輪海紅透半邊天,甚至到2018年已經拍到《終極一班5》,雖然而家睇返內容有點誇張無厘頭,但成件事真係好青春呀!

Photo from 終極一班

 

Photo from 終極一班

Photo from 終極一班

3.王子變青蛙(2005)

經典嘅王子喜歡上灰姑娘嘅故事有邊個少女會不愛!想當年小編真係俾男主角明道暈得一陣陣(掩面),劇情雖然老土,英雄救美情節絕對不少得,但觀眾就係鍾意睇呢啲,最高收視更超過流星花園!一眾80,90後一定對183 club好熟悉,因為呢部劇集令佢地爆紅,亦同女主角陳喬恩組成嘅組合七朵花合唱插曲,青春時期唱K必點歌!

Photo from 王子變青蛙

Photo from 命中注定我愛你

4.惡作劇之吻(2005)

呢部台劇真係經典中嘅經典,天才少年戀上單純少女,加上林依晨同鄭元暢呢對CP至今仍然令人津津樂道!當年呢個組合有幾多人希望佢地真實會係埋一齊~加上內容有搞笑、有溫馨、有甜蜜、有悲傷,雖然已經時隔14年,但唔少人都會翻看,而且毫無時代嘅違和感!當中嘅主題曲以及插曲亦為人熟悉,雖然係2007年開播續集《惡作劇2吻》,但唔少粉絲都大叫唔捨得呀!

Photo from 惡作劇之吻

Photo from 惡作劇之吻

Photo from 惡作劇之吻

 

Photo from 惡作劇之吻

5.命中注定我愛你(2008)

當年女主角陳喬恩已經紅透半邊天,但男主角阮經天係出道七年來首度擔任男主角,起初劇集其實不被看好,但題材比較新鮮有驚喜,更加有很好嘅收視紀錄,想當年小編為呢套劇流咗唔少眼淚!

Photo from 命中注定我愛你

Photo from 命中注定我愛你

Photo from 命中注定我愛你

6.海派甜心(2009)

當年楊丞琳、羅志祥小豬堪稱台劇一哥一姐,呢對緋聞男女拍嘅劇情幾乎部部經典!小豬嘅宅男「香菇頭」更加非常搞笑,你一定要知道楊丞琳、小豬這對多年緋聞情侶所合拍的電視劇!兇狠嘅寶珠姐被單純嘅林達浪所感動,劇情溫馨又搞笑~!

Photo from 海派甜心

Photo from 海派甜心

 

Text:TopBeauty Editorial

Photo source:Pinterest、電視截圖

 


Share to Facebook