劉詩詩一索得男！吳奇隆為了照顧家庭幾乎息影：在最好的時候，遇到最好的你，這就是愛情 ～

吳奇隆同埋劉詩詩結婚多年，雖然好低調，但一直都係大家眼中嘅甜蜜夫婦～劉詩詩懷孕數月，今朝終於喺微博宣布囝囝出世嘅好消息，網民們都好替佢地高興！吳奇隆更喺微博發文代母子向大家報平安，仲感謝太太嘅付出：「小朋友來報到，母子平安，謝謝大家關心！親愛的媽咪辛苦啦 @劉詩詩，謝謝你！」

Photo from Pinterest

吳奇隆同老婆2015年結婚，婚後呢幾年都好少再見到兩人喺螢光幕前出現，吳奇隆透露原因，原來係為咗照顧家庭呀～除咗好少喺螢幕前曝光外，兩人亦好少喺微博上更新，愛得非常低調！

Photo from 劇照

佢地夫妻愛的足跡遍及世界各地，除咗工作外，仲成日會出國共度甜蜜時光，周不時會被媒體捕捉到喺機場現身，劉詩詩仲小鳥依人地依偎喺老公身邊～

Photo from Weibo

吳奇隆更透露過自己以前只要半個月無工作就會好著急，但同劉詩詩結婚後嘅呢兩年，重心幾乎都放喺家庭，因為佢認為自己都好需要時間同家人相處。

Photo from Weibo

仲記得當時吳奇隆喺婚禮上告白：「我也不止一次的埋怨過老天， 以前覺得老天對我不公平，讓我經歷很多奇怪的磨難、不開心的事情，現在我也明白為什麼，因為他把最好的留给我。在最好的時候，遇到最好的你，這就是愛情！ ​」而時間證實佢地之間嘅愛情有多濃，宜家BB出世，由兩個人變成一家三口，簡直幸福滿瀉！

Photo from Weibo

Text：TopBeauty Editorial

Photo Source：